圓貝 (景隆街) (Closed)

去銅鑼灣食嘢，一出地鐵度就見到呢間舖頭。見到佢有唔少嘅飲品同埋曲奇可以揀。因為唔肯定個曲奇係咩味，問店員係咩味道問非所答，指住舊曲奇問佢曲奇係咩味道，係唔係朱古力，佢同我講佢哋係曲奇入邊有麻糬。然後我再重複多次，呢個係朱古力定係其他味，佢又由頭介紹過還有三隻味，跟住答我講話係朱古力味。但又再轉身問其他人，第二個同佢講話係新味earl grey，然後佢答我呢個係紅茶😅本身係個伯爵茶味前邊擺個朱古力味嘅牌都算，仲要自已鋪頭有咩味道都唔知😅我已經覺得有啲伏，但都照買咗。然後一打開食，勁難食，成舊嘢勁油，擺落口得好少嘅茶味，麻糬大概係¼嘅size。又油又冇味仲要成舊餅好鬆散。