越男仔

Open Now

Now Closed

今日去咗旺角食越南菜。下午茶套餐好抵食，包括主食連飲品，我哋費事食咁多，所以主要都係叫小食，咁就可以試到唔同款式，又唔驚食完會好飽。我最鍾意食呢度嘅炸物。整體嚟講佢嘅份量都唔算少，而且每一舊都幾大塊。炸物有雞翼、春卷、蝦多士、軟殼蟹，出邊好脆入邊多餡，蝦多士最正，中間仲有流心芝士好鬼吸引。本身以為得配菜，估唔到每一碟下面都有一大堆沙律，感覺十分之健康。沙律菜好新鮮，而且點咗啲醬汁令到成件事更加開胃。呢度食tea都真係幾唔錯，見佢啲粉飯類都幾靚仔，下次肚餓啲嘅可以試吓。