我哋揀咗一個Dinner menu 加一個Five course menu😎每個menu主菜都有揀，一定啱你口味！
開始時送上兩款麵包🥯，分別係牛角包🥐同芝士蒜蓉包，配上佢哋特製嘅cream cheese，簡直係開啟左我哋味蕾之旅👍🏻麵包酥脆，而且可以加添，非常抵讚！
Five course menu:
日本岩手縣生蠔🦪配上蘋果蓉青檸雪葩，清新可口，生蠔極為新鮮鮮甜，帶有少少海水味😋
海老刺身，配上三文魚子同酸甜嘅蘋果蓉，口感豐富，賣相亦一流😍
香煎帶子：配上特別調製嘅奶泡同檸檬草，新口味完全令我食唔停口，每食一啖都讚不絕口！
美國頂級封門柳：crazy 地好味，肉質鮮嫩，5成熟剛剛好，配原隻薯蓉👍🏻
甜品係奇異果🥝慕絲蛋糕配朱古力雪糕，擺盤賣相顏色都美極了，好啱打卡影相📸️。當然味道亦好正啦
Dinner menu:
牛油果野菌忌廉酥皮盒：份量剛剛好，細細個酥皮又香脆又鬆化，蘑菇粒切到一小細正方形，又有口感😋
雜菌湯：creamy 又濃郁，係我近期飲過最好飲嘅雜菌湯👏🏻
香煎日本銀雪魚：魚皮煎得非常香脆，魚肉則非常嫩滑，上面配有日本原塊海胆，味道層次又上一級😊
甜品為芒果慕絲蛋糕🧁，酸酸甜甜，為今餐畫上完美句號😇
食完呢餐只有再個字，就係幸福🥰
