Read full review
2021-04-30
426 views
又到咗春天呢個季節，開始懷念賞櫻既美景，但今年仍然係封關，冇得去日本旅行，希望疫情盡快平息，比大家有得返❝家鄉❞🎎唯有今年將旅行既budget放多d係食上面彌補返，今次幫襯呢間係來自日本九州佐賀既過江龍，本店位於JR佐賀站附近，人氣非常高，啱啱攻入香港唔夠半年，已經攏絡咗唔少食客既心 🪵餐廳主要用咗傳統日式建築設計，以木系為重心，中間位置用咗薄而密既木柱去做個分隔，令客人就算坐中間都唔會覺得太嘈，保留私人空間，抽風系統強勁，唔會比油煙影響食欲，當落完order就上埋醬汁小碟，包括燒汁、辣燒汁同檸檬汁 眾所周知佐賀縣係一個主要既和牛產地，所以我地首先叫咗份佢地既signature大判燒！黑毛和牛西冷 $178 8/10 店員好友善主動幫我地燒，等我地可以享受到最好既和牛體驗，由於塊肉都幾長，佢首先將肉摺起先燒左右2邊，之後先攤開，反面後亦如是，令火力更平均，再放入蛋黃中沾汁而食，非常滑溜🍳由於日本和牛有大量脂肪酸，牛香味特重，幸福既感覺隨進食一波波襲來 🍯壺漬KAKURA牛胸腹肉 $108 8.5/10壺入面有一大塊厚身醃漬既胸腹肉，本身肉上有劃紋，令醬汁可以更易入味。當我將肉由壺中取出
🪵餐廳主要用咗傳統日式建築設計，以木系為重心，中間位置用咗薄而密既木柱去做個分隔，令客人就算坐中間都唔會覺得太嘈，保留私人空間，抽風系統強勁，唔會比油煙影響食欲，當落完order就上埋醬汁小碟，包括燒汁、辣燒汁同檸檬汁
眾所周知佐賀縣係一個主要既和牛產地，所以我地首先叫咗份佢地既signature
大判燒！黑毛和牛西冷 $178 8/10
店員好友善主動幫我地燒，等我地可以享受到最好既和牛體驗，由於塊肉都幾長，佢首先將肉摺起先燒左右2邊，之後先攤開，反面後亦如是，令火力更平均，再放入蛋黃中沾汁而食，非常滑溜🍳由於日本和牛有大量脂肪酸，牛香味特重，幸福既感覺隨進食一波波襲來
大判燒！黑毛和牛西冷
$178
20 views
0 likes
0 comments
🍯壺漬KAKURA牛胸腹肉 $108 8.5/10
壺入面有一大塊厚身醃漬既胸腹肉，本身肉上有劃紋，令醬汁可以更易入味。當我將肉由壺中取出時，就好似玩緊印度蛇笛咁，一直拉上都仲有肉，放落烤網時更加發現肉仲大過網，要稍為摺起翻面燒先可以平均受熱。根據店員提點，燒至7,8成熟時再剪開細塊，醬汁酸酸甜甜帶出牛肉鮮味，份量好足夠，性價比最高之選
壺漬KAKURA牛胸腹肉
$108
63 views
0 likes
0 comments
🥓"宴"燒肉拼盤 $498🥩
"宴"燒肉拼盤
$498
66 views
1 likes
0 comments
🍖特上牛胸腹肉 7/10
有珠玉在前，呢份就被比下去，不過呢份肉就無經過醃漬，會食到多d牛既原味。
.
🥓腹前小排 8/10
厚薄適中，咬落有韌度，配合辣燒汁會上上地癮
.
🥩牛板腱肉 7.5/10
板鍵肉都幾大塊，咬落有好多牛本身肉汁流出，易咬無渣
.
😛鹽味牛舌 8/10
簡單燒一燒兩面就食得，薄得黎仲有嚼勁，牛肉味愈食愈出
.
🐤若雞雞脛柳 8/10
意外驚喜，因為雞脛柳有條筋，一食就feel到有爽彈感覺，口感相當唔錯
.
🐖黑毛豚無骨小排 6.5/10
肥肉偏多，兩面都可以燒得幾脆香，但欠缺肉味
.
🐃牛尾湯 $98 7/10
胡椒味好足，正宗夠哂惹味，入面既牛尾骨都連住好多肉同筋，飲完個人都暖笠笠。多款菇類令個湯添上鮮味。
牛尾湯
$98
14 views
0 likes
0 comments
🍜小冷麵 $38 8/10
算大份，唔係幾啖就食哂既size，入面有半隻蛋青瓜紅蘿蔔等，食落好refresh
小冷麵
$38
11 views
0 likes
0 comments
最後甜品都令人覺得呢餐晚餐完美落幕
🍮杏仁豆腐好creamy，杏仁味唔算好重，但味道持久淡逸，係口腔會慢慢回蕩。雪糕糯米糍帶住雲尼拿味清新口腔，掃走燒肉既油膩感🍦
甜品
12 views
0 likes
0 comments
Post
