我哋約嘅時間比較早，所以都未算好多人，但一定要book位，因為見到有walk in嘅客人嚟到都要等。
睇完Menu後佢分咗幾樣點餸，一個係set ，一個就係散叫，雖然set會抵好多，但set嘅種類有好多，費事食唔晒所以都係決定散叫。
首先我哋叫咗個鴛鴦火鍋和湯底，一個鮮牛肝菌昆布湯，另一個係血池麻辣湯。
昆布湯好鮮甜， 而且好足料， 裏面總會有大大嚿嘅蘑菇；而麻辣湯相對地好有四川口味，但又不會太麻，配合返香港人的口味。
火鍋配料方面，我地叫左：本地手切牛、鮮打四寶丸、鮮炸響鈴、有機田園蔬菜同埋香菇餃拼雲吞。雖然好似叫咗六樣嘢好少咁，但食到八成左右個肚已經好飽了。證明佢嘅湯底真係好足料，因為我都食咗好多😆hahaha
最推介的是手切牛，一片片都係由人手切，所以可以控制到佢嘅脂肪比例，我地食嘅一啲都唔肥膩，放落湯大概七成熟就可以食得
最後我哋都叫咗兩杯嘢飲分別係洛神花蜜同青檸梳打。可惜係野飲容量太少，未食完都飲光了。
