光榮冰室 (厚福街) (Closed)

要喺尖沙咀食早餐好似冇咩選擇，盲中中又走到黎厚福街覓食。見到哩間冰室當隔離舖都未開門嘅時候佢已經坐滿一半人，裝潢係好傳統冰室設計，簡單得黎幾有風味。早餐價錢好抵，沙嗲牛肉麵餐都係$22，已經包埋餐飲，真係好貼地今次選擇嘅係金牌早餐 $32先講多士烘得好脆，牛油薄薄一層溶係包面旁邊嘅炒蛋好滑溜，唔會過老或者太稀，恰到好處火腿通粉可以轉公仔麵，不過朝早食通粉好似就夾啲喇 雖然價錢平但絕對無偷功減料，火腿藏左係通粉底，早餐份量黎講都足夠對於係附近嘅上班族黎講，的確係平靚正之選