Read full review
2017-05-22
570 views
依家先 520,幾時先到 549 呀?到訪幾次都排長龍食唔到,到底有幾好食呢?心有不甘唔憤氣,無論如何都要食到一次,但結果真係無鬼謂囉,浪費我寶貴青春及銀兩。等位食客又多、門口通道又窄,迫迫夾夾,真的等都等得唔舒服。多年無幫襯元氣了,同舊時一樣要坐 order 檯,呆呆罰企半個鐘終於可以入座。跟著帶位侍應走著走著,才發現內籠不大,檯椅密度非常高,行人通道十分狹小。被帶到最後的超迷你二人檯,見到已經滴汗,還要搭檯。我食量都不少,那麼細張檯如何有足夠空間放食物呀?而且私穩度極低,檯與檯之間只免強夠一個紷瘦的人走過。隔隣檯兩件口水佬加個大媽鬼殺咁嘈,高談寬論,粗聲粗氣,非常騷擾﹗比餐安樂茶飯我好麻,安靜地食野不可以的嗎?女友最愛酥炸魷魚鬚,竟然被取消左,情緒即時跌落谷底。另外,珍寶帆立貝無左,只賣奀滋滋帆立貝仔。溫泉玉子無左、他他牛無左、和牛都無左,那麼奇怪?只得牛肋肉一款?誰知連牛肋肉都賣晒,只有辣牛肋肉,但最終都漏單,我唔要喇。赤海蝦刺生,顏色偏白,貌似天使蝦、似板長蝦。雖然甜味蝦味都有點遜色,起碼夠新夠爽彈,還可以。牡丹蝦,還是覺得您最好,不能取締的地位。油甘魚刺生,穩陣之選都變得危機
多年無幫襯元氣了,同舊時一樣要坐 order 檯,呆呆罰企半個鐘終於可以入座。跟著帶位侍應走著走著,才發現內籠不大,檯椅密度非常高,行人通道十分狹小。被帶到最後的超迷你二人檯,見到已經滴汗,還要搭檯。
我食量都不少,那麼細張檯如何有足夠空間放食物呀?而且私穩度極低,檯與檯之間只免強夠一個紷瘦的人走過。隔隣檯兩件口水佬加個大媽鬼殺咁嘈,高談寬論,粗聲粗氣,非常騷擾﹗比餐安樂茶飯我好麻,安靜地食野不可以的嗎?
女友最愛酥炸魷魚鬚,竟然被取消左,情緒即時跌落谷底。另外,珍寶帆立貝無左,只賣奀滋滋帆立貝仔。溫泉玉子無左、他他牛無左、和牛都無左,那麼奇怪?只得牛肋肉一款?誰知連牛肋肉都賣晒,只有辣牛肋肉,但最終都漏單,我唔要喇。
赤海蝦刺生,顏色偏白,貌似天使蝦、似板長蝦。雖然甜味蝦味都有點遜色,起碼夠新夠爽彈,還可以。牡丹蝦,還是覺得您最好,不能取締的地位。油甘魚刺生,穩陣之選都變得危機重重,色澤暗啞而且太瘦,肥美不足,幸好肉質結實,滑中帶爽,還有一絲的魚脂甜味。吞拿魚刺身,難得赤肉可口不太淡,沒冰水味也沒雪藏味,泛著微微魚味天然味道,過關入得口。
炙燒牛油赤海蝦壽司,燒過的蝦肉特別香口,蝦味更濃,食得到焦香吸牛油香,最大問題熟蝦乾硬,食慾大減。炙燒醬油左口魚裙邊壽司,左口魚出名油脂澎湃,燒一燒更迫使大量魚油兇湧地噴出,入口溶化滑嘟嘟,雙脣油潤立立令,魚甜味淡,質感一流。真的選擇太少,連此類火炙作品都要食,印象中從來沒有試過。
海鹽赤海蝦壽司,真的感受不到有什麼特別,沾上芥辣豉油已將鹽味完全蓋過,都係一般的赤海蝦壽司,蝦爽而蝦味淡。炸蝦卷,女友至愛,但我真的麻麻地。一早炸定的蝦卷又油又凍,幸好依然脆口,整體感覺乾爭爭非常討厭,由細到大都不喜歡。
帆立貝壽司,細就真的細了一點,不過棉滑帶黏的質感襯托霸道出眾的帶子甜味,心頭都湧上幸福的味道。好想要珍寶帆立寶塞滿口腔的震撼感呢﹗炙燒黑椒蠔壽司,師傅推介創意作品?讓我支持一下吧。腍劈劈的不知那裡蠔,好采不腥不嗅,沒怎麼鮮蠔味,只有微弱黑椒芝士味,試一次便夠。
玉子壽司,我對您唔住喇 ﹗我本想劃厚燒玉子比您,但眼大睇過龍,錯手劃錯格添。我只愛食熱蛋的,而且不愛甜,更不熟蛋,玉子不是我杯茶,so sorry。厚燒玉子壽司,劃錯普通玉子要補貨啦,只不過只兩片玉子變一舊,基本上一無一樣,意見不變。赤貝壽司,食慣活赤貝刺生,那有可能返到轉頭呢?已多年無食普通赤貝咯,薄衣衣不過爽到索索聲,少少海水味但無螺甜味,正常入到口,唔難食。
芥辣八爪魚軍艦,女友必食之選,汁液辛辣帶黏帶糊,八爪魚肉粒彈而嚥韌,味魚而滲出咸香,不錯的決定。海膽軍艦,沒有海膽甜味,勝在夠鮮夠香夠清爽,涼浸浸的肉撈上暖笠笠的飯,還有脆卜卜的紫菜,滿足。
海膽手卷,真的無咩野食、無咩高價食材,唯有執多劑海膽啦 ﹗細細件容易食?手卷又會細成這樣,一口海膽手卷兩秒消失始盡。勁乾爽紫菜脆到裂裂聲,膽肉鮮而不腥,只是甜味欠奉,都好食既。
炸八爪魚,什麼來頭?什麼名菜啊?原來是著上重裝甲的八爪魚,而反晒光喎,係勁既。油淋淋的外殼,完全唔敢放入口呀﹗唯一方法甩掉硬殼先食,竟然發現部份脆漿未熟架,依然是白色黏口糊狀的。其實不用炸漿更好食啦,爽爽彈彈,八爪魚味又鮮又濃囉。結脹 $473 又真係平既,但質素未如理想,食物種類又少,地方又細,環境嘈吵,坐得不舒服,服務又一般,無下次的了,多謝。
14 views
0 likes
0 comments
11 views
0 likes
0 comments
15 views
0 likes
0 comments
19 views
0 likes
0 comments
15 views
0 likes
0 comments
14 views
0 likes
0 comments
14 views
0 likes
0 comments
24 views
0 likes
0 comments
9 views
0 likes
0 comments
12 views
0 likes
0 comments
18 views
0 likes
0 comments
19 views
0 likes
0 comments
15 views
0 likes
0 comments
9 views
0 likes
0 comments
Post