張三

Open Now

Now Closed

一直都對家族式經營o既小店特別感興趣，今日利用o左少少空檔，o黎到西環呢度坐坐，飲杯下午茶。餐廳唔大，一面係open kitchen，一面係檯，裡面都仲有一角有得坐。夕陽西下，黃昏時份o黎到，食客唔算多，氣氛好悠閒恬靜。「張三」就是姓張一家三口開的餐廳。從其他o既媒體得知，呢位張叔叔曾o係酒店同會所任職大廚，真係好想快d 試到佢o既廚藝呀！點o左份珍寶牛肉漢堡配薯條沙律($75 免加一)，另外加$10 叫o左杯凍朱古力。下午茶o黎講比想像中大份，有d surprised！沙律菜上面淋o左一隻醬，係黑醋o既味，但帶點甜而且較為杰身，味道唔錯。薯條係粗薯條，瀋o左少少辣粉，有味得o黎唔會過辣to me。主角牛肉漢堡，o係鬆軟麵包上面，先鋪上新鮮蕃茄、醃青瓜同生菜絲，再淋上白色秘制醬汁，之後將塊接近成寸厚既手打漢堡扒擺上去，唔少得當然仲要配上香濃o既半溶芝士……未食入口，望落已經相當吸引。因為太大舊了，無可能一啖咬落去食啦~ 用刀一切，d 肉汁即刻咇晒出o黎。只見塊漢堡扒好juicy，煎到o岩o岩熟，裡面仲略帶一點紅，好考廚師o既功架。食落去，無特別多餘調味，最多只有d 鹽花胡椒咁；食o既，