Video
Read full review
2020-03-18
33 views
今日同屋企人去左旺角買野，之後諗住食埋飯先返屋企，咁岩見到下面個牌寫住和牛放題，兩個鐘任食先198一個人，好吸睛，所以媽咪都話可以食下。呢間天下糧倉入面幾大，座位間格都好闊落，特別呢段時間大空間感覺安全好多。我地叫左潮汕牛骨湯底，因為媽咪唔食得太辣所以就無叫麻辣湯底。佢湯底本身都有唔少蔬菜，好鮮甜。黎食和牛放題，當然就要叫牛黎食啦。我叫左一級肥牛、封門柳、金錢𦟌、M5澳洲和牛肩小排，同牛板腱。食完一輪，最正係和牛肩小排同封門柳，夠曬油香而且唔會太韌，好好食。至於其他配菜就普通啦，午餐肉、丸同菜種類唔算太多，不過黎得呢度重點都係食肉，所以就無咩所謂。食到最尾仲可以食埋雪糕，不過我地已經太飽，所以無食。買單2個人都唔洗500，但有和牛食，呢個價錢性價比確實幾高。
呢間天下糧倉入面幾大，座位間格都好闊落，特別呢段時間大空間感覺安全好多。
我地叫左潮汕牛骨湯底，因為媽咪唔食得太辣所以就無叫麻辣湯底。佢湯底本身都有唔少蔬菜，好鮮甜。
黎食和牛放題，當然就要叫牛黎食啦。我叫左一級肥牛、封門柳、金錢𦟌、M5澳洲和牛肩小排，同牛板腱。食完一輪，最正係和牛肩小排同封門柳，夠曬油香而且唔會太韌，好好食。
至於其他配菜就普通啦，午餐肉、丸同菜種類唔算太多，不過黎得呢度重點都係食肉，所以就無咩所謂。食到最尾仲可以食埋雪糕，不過我地已經太飽，所以無食。
買單2個人都唔洗500，但有和牛食，呢個價錢性價比確實幾高。
Post
