TOSS 蘇媽.蘇媽

Open Now

Now Closed

講起蘇媽，以前試過同朋友喺深水埗排隊，就係為左任飲佢嘅招牌嘅肉骨茶。去到今日，已經可以喺商場見到佢嘅分店！一坐低即刻叫咗個一字骨茶，一個煲匯聚哂所有最好食嘅食材，湯頭多年不變，濃郁得黎又帶點藥材香，最欣賞當然係嗰個一字骨，豬肉味濃，肥瘦相間，食到絲絲嫩肉，除此之外，亦有冬菇、腐竹、豆腐卜等等嘅配搭，兩個人來講，呢個煲嘅份量已經相當足夠有餘另外額外叫左碟福建炒麵，整體唔會過分濕潤同鹹，反而蝦味香濃，而且海鮮配料清晰可見，絕對對得起價錢！朋友叫左杯似水榴槤佢話入口好有榴槤香味，超啱鍾意食榴槤的人，我就叫左杯桔仔話梅水，酸甜味啱啱好，好解渴，倆杯都好有馬來西亞風味。