喜膳燒

Open Now

Now Closed

依間餐廳真心唔錯，星期一至五都有唔同嘅優惠，星期一嘅優惠就有食品七五折，真係超抵食。佢啲串燒好好食，我首先叫咗一個羊肩肉，$58有兩吋而佢嘅肉質非常之軟腍好食，羊騷味係啱啱好，唔會過重或者完全冇。然後佢嘅雞翼都好正燒得啱啱好唔會太齋而食落辣辣地，好開胃。當然講開胃嘅話，梗係唔少得一個拍青瓜，酸辣嘅味道加爽脆嘅青瓜，令人食完一啖又一啖。食完青瓜仲想食多啲素食嘅話，我會推介大家試吓佢嘅黑松露雜菌，好香好好食。當然佢嘅烤茄子其實都唔錯，中間會偏鹹而側邊會偏淡，所以建議將上面嘅醬料鋪均勻啲先好食。另外佢啲海鮮都好新鮮，食落都好正🥰🥰