呢間係一間傳統佛教中式齋菜館，食客大多是上了年紀的熟客。內裡環境普通，就咁望門面唔會容易吸引到生客，但都算乾淨企理。店內不停播住淨空法師的video。
lunch都有幾多抵食選擇，2餸飯32蚊，6餸米線35蚊，係旺角嚟講算係好平。由於今日2餸飯唔多啱我，我就叫咗聽落幾特別嘅香菜葉牛油果炒飯。材料有白紅米飯，牛油果，青瓜，栗米，紅蘿蔔，感覺幾健康。
1
呢個炒飯竟然好好味喎
少油，味道適中，配料配撘得宜有口感，食哂碟都不覺得油膩。我成日覺得一間中餐廳個廚房得唔得，睇炒粉麵飯便知一二，下次我會再嚟。
