榮記潮洲粉麵

Open Now

Now Closed

西環轉角位既一間粉麵，雖然唔係話最好食、有咩皇牌，但都係一間老字號，有佢存在既意義。 地膽叮叮食開就知咩係最好食，介紹左墨魚鬚、雙丸：豬肉丸同墨丸。我地一行三人不約而同叫雙丸，我果個就係撈粗麵，哈哈。我鍾意分開咁食。再淨叫左一碗墨魚鬚，都唔錯既！ 留意番餐牌，好多唔同配搭，又有粥食添。唔怪得之咁多老人家係度食，食完一個又一個，原來又清又好味又夠多選擇，好過自己煮啦。 令我最印象深刻既就係依度地方細細竟然有廁所。事關我有D事所以忍住冇去廁所，黎度依度果然暢快暢快，再慢慢品嚐粉麵。 我希望Daisy都可以好似依一間老字號一樣，雖然裝修陳舊，但格局四正；味道平凡，但留得住人心；偶有失手偏差，但好快就重整旗鼓。你快D好番，我帶你食好味既。