滬庭坊 (Closed)

旺角太多食肆，簡直花多眼亂，一時三刻都難以決定邊間食肆，乜野款式既菜式🤔🤨突然記得，之前係附近食過一間'老XX' 既餃子店，午餐都算是一個不錯既選擇。但去到花園街，又比一間上海食店吸引住，既可以食生煎包又可以食餃子，店舖裏面比其他附近既食店都較坐得寬敞同舒適。先飲下野，豆漿同山渣茶都唔錯，豆漿唔太甜，山渣茶唔太酸，而且講明新鮮，飲落完全唔覺得有防腐劑。先來一客，北京水餃，一口一粒，咬開爆湯汁，味道香濃。 由於食滿50蚊係可以用十蚊換購紅油抽手，咁咪又試下囉，10蚊有4粒，有點香辣，味道唔錯，10蚊抵啦！鮮肉生煎包到啦！跟住instruction去食，果然包仔細細，但好多湯汁爆出，飲完湯汁，加少少醋，再大啖咬，超正。最後，其實都少少飽，但係個砂鍋雞煨麵，真係賣相吸引，熱辣辣，啲雞真係勁嫩滑，個湯好濃郁，飲完無口乾，應該無味精。絕對會再encore，下次想試下粗炒、小籠包、擔擔麵同炸銀絲卷。