漁屋日本料理 (Closed)

8月4日我地一行五人去到呢度食放題，餐廳位置吾難搵，但略嫌簡陋，好彩入面裝修吾錯。一開始就叫刺身壽司天婦羅，刺身幾新鮮，壽司以焦糖玉子壽司較特別，天婦羅則厚粉而且冇汁，後來先知要寫紙叫。羊架太多筋位咬吾開但係手卷足料，可惜紫菜吾脆。總結：壽司刺身過得去，但係食物種類吾多，炸物較為差。環境：座位寬敞，但係射燈太光猛，坐得有點不舒服。