民華餐廳 (Closed)

今日又去藍田番工，Lunch去平田商場搵野食，食埋呢一間餐廳就食齊成個平田商場啦價錢都偏貴，常餐就一般價錢，41蚊有麵有多士有飲品。選擇都幾多，今次就簡左薑絲牛肉公仔麵（重可以簡通粉或者米粉），薑絲令到個湯好香薑味，食完好暖胃，不過就無薑既辣味。牛肉都幾好食，唔會好林，有咬口亦都有牛味（有啲用鬆肉粉醃到無晒牛味好難食！）。另外可以簡太陽蛋，兩隻蛋好大好黃，都好有蛋味。另外重有多士，佢焗得好脆，牛油都搽得好足，好邪惡，正！