行過灣仔見到有間餅店出面排哂長龍就去八下啦. 嘩! 原來係有酥皮蛋撻賣呀, 見到佢門口貼左好多人名人推介, 就心動買左半打黎試下. 排隊果時仲見到有其他餅點, 有菠蘿包, 椰撻. 所以買多左個菠蘿包試下, 咁岩原來菠蘿包新鮮出爐, 即買即食, 真係好正!! 個包好軟而上面既菠蘿包皮亦好鬆化!! 真係好後悔只係買左一個!! 個包size 算大, 但真係好好好好好好食!!番到屋企再試個蛋撻, 個酥皮好酥, 唔似其他餅店咁吸哂倒汗水黏埋一齊. 個蛋漿好香蛋味亦好濃, 一食已經知道係好足料! 第二日焗番熱剩低既蛋撻食, 味道同質感一樣無變, 價錢亦好街坊. 就算佢唔近地鐵站我下次都會特登過去買!!
