Video
Read full review
2021-09-08
21 views
同爹哋媽咪黎到旺角，行完街就帶咗佢哋去通菜街呢邊，樓上嘅大排檔，呢間餐廳採用懷舊嘅裝修，但係價錢依然係大排檔嘅價錢，最緊要有冷氣嘆，又乾淨，啱晒爹哋媽咪。啤酒🍻～帶得爹哋黎，又點少得同佢啤一啤，呢度嘅啤酒用碗飲，特別有氣氛😚✨豉汁蒸鱔～白鱔厚肉，撈埋豉汁，惹味得黎又嫩滑，店家仲落咗少少陳皮去辟腥，幾甘香。✨XO醬海鮮小炒王～幾乎每台都有order嘅小炒王，材料有椒絲、蒜芯、蝦、蝦乾、腰果，有咸香、鑊氣，啱晒配搭啤酒✨風沙九肚魚～表面佈滿炸蒜，上枱已經聞到香噴噴，表皮酥脆，入面魚肉仲好滑溜，下面鋪咗啲生菜，隔咗油份添👍✨屋村三鮮～有生腸、墨魚、鴨腎，以前真係街邊檔先至食到，而家疫情關係，買少見少，呢度夠乾淨，真係好難得，食落冰冰涼涼，口感爽脆。
啤酒🍻～帶得爹哋黎，又點少得同佢啤一啤，呢度嘅啤酒用碗飲，特別有氣氛😚
✨豉汁蒸鱔
～白鱔厚肉，撈埋豉汁，惹味得黎又嫩滑，店家仲落咗少少陳皮去辟腥，幾甘香。
✨XO醬海鮮小炒王
～幾乎每台都有order嘅小炒王，材料有椒絲、蒜芯、蝦、蝦乾、腰果，有咸香、鑊氣，啱晒配搭啤酒
✨風沙九肚魚
～表面佈滿炸蒜，上枱已經聞到香噴噴，表皮酥脆，入面魚肉仲好滑溜，下面鋪咗啲生菜，隔咗油份添👍
✨屋村三鮮
～有生腸、墨魚、鴨腎，以前真係街邊檔先至食到，而家疫情關係，買少見少，呢度夠乾淨，真係好難得，食落冰冰涼涼，口感爽脆。
Post
