玖五牛肉麵 (Closed)

我有位台灣同事～於是乎帶佢黎食睇睇究竟味道如何～我地分別嗌jor三個紅燒牛肉麵一個半筋半肉、兩個全肉；而我就嗌jor番茄牛肉麵全肉。番茄既湯頭非常甜，相比紅燒牛肉麵就無出色；佢既牛筋亦非常軟；佢既麵量係剛剛好，我地四個女仔全清。但係我感覺湯頭比較淡，可以再濃味啲。佢個碗好大，會令你錯覺內容好多，非也。同時我地亦叫jor佢既滷味～滷味黎講，味道可以，但係份量太少！但台灣既豬血糕會比較好食；皆因有烤過而且會撒孜然/胡椒鹽。整體滷味黎講，就係貴而且份量少。台灣同事亦稱讚味道可以，只係價錢會令人卻步。