61
30
16
4-min walk from Exit C, Causeway Bay MTR Station continue reading
Telephone
28920320
Opening Hours
Today
11:30 - 23:00
Mon - Thu
11:30 - 23:00
Fri - Sat
11:30 - 00:00
Sun
12:00 - 23:00
Payment Method
Visa Master Cash Octopus
Number of Seats
24
Other Info
Alcoholic Drinks
Delivery
10% Service Charge
Review (126)
名媛的小生意 Featured Review
Level6 2018-06-16
3208 views
作為一個標準香港遊客,每次到台灣必定會食地道正宗的牛肉麵;始終旅遊時間有限,又想盡量品嚐其他美食,所以每次也只能去一至兩間台灣牛肉麵小店。只知道每間牛肉麵店的湯底、麵條,甚至牛肉、牛肚、牛筋的味道及質感都有所不同,通常旅遊雜誌介紹的牛肉麵店都不會差到哪裡去,但到底哪間才是最好味就真的很難說了,因為總會與個人口味有所關連。最近兩個月,台灣牛肉麵再次掀起城中熱話,全因城中名媛何家小姐「隨意地」花了二百多萬元踩入飲食界,引入台北「玖五牛肉麵」於香港開設第一間海外分店。可能已有兩年沒有去過台北吧,真的沒有聽說過「玖五」的大名,到底是否非常美味或者有什麼特色之處,所以吸引了何家小姐小試牛刀?不清楚「玖五」在台北的路線如何,但在香港經營過江龍餐廳,裝修總要有一點特色;所以,香港分店並不是最傳統地道、街坊地踎格局的老派台灣牛肉麵店,而是走乾淨企理、簡約年輕的摩登牛肉麵店裝修風格。牆壁上的裝飾就只有一組對聯(其實都幾老土,不過總算配合室內裝修色調,並不顯得突兀)、十多張牛肉麵及台灣滷水小食照片、以及幾幅蠻有風格的黑白插畫。牛肉麵有三款口味;紅燒、麻辣、拌麵;只喜歡清燉原味的話「玖五」就不是你的那杯茶了。香港分店定價進取,差不多是台北總店的一倍,到底是香港人工高、租金貴、成本高,抑或食水深?比較起招牌牛肉麵要差不多100元一碗,滷水雙拼(豬大腸拼豬耳)($38) 相對抵食很多。豬大腸及豬耳隨意放在碟上,沒有非常明顯地分成兩堆,食起來唔係好方便。滷水味道濃淡適中,與廣東潮州滷水粗略比較,最大分別在於台式滷水的香料比較重手、味道較香濃,潮式滷水則較為着重餘韻、入口味道較輕。豬大腸的牆壁較薄,好處是容易烹調;咀嚼起來夠軟身兼可以保留少少咬口,又完全沒有渣滓。當然,如果採用厚身大腸肯定會更加美味,但就很難保證穩定的出品質素,烹調失準的話滷水大腸會變得很韌、甚至有渣。相信廚師為了確保水準穩定,刻意選用薄身豬大腸。滷水豬耳切成幼條,咬下去先品嚐到外層膠質,之後就是中間夾層的爽脆軟骨。外層膠質又吸收了滷水的鹹香,夠味道;好食過豬大腸。無論是紅燒或清燉湯底,要比較台灣牛肉麵的高低就一定要試齊牛肉、牛筋及牛肚,所以叫了紅燒招牌三合一($95)。鋪在表面的全部都是牛肉、牛筋及牛肚,雖然份量唔算很多,但賣相就非常吸引,望落去好似食材多過麵條。湯底呈深褐色,典型的紅燒牛肉湯底,難得並不算很肥膩。湯底味道微微香辣、並不算很鹹,較其他台灣牛肉麵店的湯底清淡一些,不過牛味並不特別濃郁,唔見得優勝過其他過江龍台灣牛肉麵。採用扁身闊麵,落單時並沒有特別剔選軟身或硬身,但其實已經算偏硬;咬落充滿嚼勁,但略為欠缺彈性。牛肉夠鬆化、亦充滿牛味。唔肯定到底今日好彩抑或選材用料真的如此優質,每件牛肉都黏連著一些軟身筋膜,所以更加軟滑,不會是全瘦牛肉的略帶粗嚡。牛筋質素更加好,軟滑、膠質豐富、兼有少少黏口,還要盡吸紅燒湯底的美味。唔想食麻辣,認為蓋過了牛肉麵精華所在的湯底或湯汁,另一碗就揀了招牌三合一拌麵($95)。同樣有齊牛肉、牛筋及牛肚,相信都是來自同一鍋的炆牛肉及牛筋、及同一盤滷水牛肚。麵條同樣是扁身闊麵,與紅燒湯麵的分別在於只拌了炆煮牛肉及牛筋的濃厚湯汁。由於麵條偏硬,吸收紅燒湯底的能力有限,所以拌麵沾上濃汁之後,食起來味道沒有太大分別,不會顯得特別乾身。反而牛肉及牛筋因為缺少了紅燒湯底浸泡,就顯得不夠濕潤,味道變得稍差。牛肚切成長條,好處是方便咀嚼,而且又的確夠軟身、彈牙、爽口,完全唔韌。由於牛肚本身吸收湯汁能力有限,味道與紅燒湯麵的牛肚沒有分別。食完兩款牛肉麵,結論是:牛肉、牛筋及牛肚三款食材質素皆相當高、而且每一塊的水準夠穩定,至於麵條及紅燒牛肉湯底的質素則較為一般。只不過,定價方面似乎過分進取,加上所採用的又並非什麼高級牛肉(餐牌上面並沒有註明),一碗台灣牛肉麵並不值這個價錢。如果好鍾意食台灣牛肉麵又或者要順應熱潮,不妨一試,但卻並不是非試不可。 continue reading
(The above review is the personal opinion of an user which does not represent OpenRice's point of view.)
Level4 2018-06-09
1814 views
今日終於去同鍾意食牛肉麵嘅媽媽去超蓮開嘅玖五牛肉麵朝聖😍 店入面麵幾簡潔地用上黑白兩種主要顏色感覺係帶點時尚嘅牛肉麵店.紅燒三合一麵 ($95)媽媽叫左三合一 包括有牛腩、牛筋、牛肚三款好豐富啊說真的份量都唔細😳細食女仔都未必食得哂~牛腩咬開鬆軟 肉呈粉紅色 牛筋滷得好入味 而牛肚亦爽口.蕃茄牛肉麵 ($78)呢個湯底真係好抵讚 因為感覺到好足料!而且相信係無咩味精加持 我地食完都完全無好渴嘅感覺💓.我地再叫多左一份小食~可以揀三款滷味滷味 - 豆類 (甜不辣 滷蘿蔔 滷蛋) ($28)三款入面我最鍾意甜不辣 煙韌彈牙 而且食落有陣陣鮮味滷蘿蔔都好好食 用上清甜無渣白蘿蔔 上面再有少少獨家嘅醬汁加持🙈好吃~~.冬瓜檸檬珍珠茶 ($31) 冬瓜茶 ($24)叫左兩款冬瓜茶 無半點死甜嘅感覺 好清甜😊而佢地嘅珍珠其實係白玉 比起珍珠更有咬口 不過飲品只可以單配 希望佢地快啲推出套餐啦😂 continue reading
(The above review is the personal opinion of an user which does not represent OpenRice's point of view.)
Level4 2018-06-09
925 views
星期五,無論天氣有多熱、有多凍,甚至是大風大雨,無聊地從銅鑼灣行去灣仔,這基本上是我倆日常會做的事。行過見到一家叫做玖五牛肉麵的台式食店有小人龍,覺得這個名字有點熟,就上網略略搜尋一下這餐廳的相關資訊。呀,原來這就是何超蓮開的台灣牛肉麵店。這間牛肉麵在台灣因價格相宜而相當受歡迎,而何超蓮就嚐過玖五牛肉麵之後覺得很合胃口,便把這種味道帶來香港,跟香港人一起分享。 我們一口氣點了好幾款食物。餐廳位於灣仔、銅鑼這個地段,其實這個價格的食物,在份量充足的情況下,還當中遇到合我口味的食物,我滿足了。今次就跟大家分享一下我吃的食物。 先來一個前菜開開胃,只要是坐下已點食物的食客都會有一客前菜的說。 麻辣臭豆腐 ($32) 這個臭豆腐氣味有點像變壞了的豆腐味,正正是我想念的台灣味道,立即放入口試試看,食落又滑又香,麻辣味要是加強一點的話,我會更喜歡它。 蕃茄招牌三合一 ($95) 麵的賣相不錯,份量也蠻多的,麵面加入牛肉、牛筋、牛肚,還有我喜歡的蘿蔔。因口味緣故,個人選擇了軟的麵條,也選擇了辣味。先試一口湯底,香辣味多於蕃茄味,要是蕃茄味濃一點會更合我的胃口。至於麵條,在「相機先食」的大前提下,食落麵條還是蠻有咬口的,跟軟還有一點點距離。至於味道嘛,沾有湯底點點的香辣味,還算不錯。 至於其他食材,份量很足的,而且味道也不錯。個人最喜歡的是牛筋,大大的一塊,食落淋身,而且膠質十分豐富;其次蘿蔔完全吸收了湯底的香味,既滑且香,也沒有根,讓我食得開懷。 蜂蜜檸檬珍珠紅茶 ($31) 貼近台灣的味道,要是可以選擇甜度的話,會更棒。 continue reading
(The above review is the personal opinion of an user which does not represent OpenRice's point of view.)
Level4 2018-06-06
4371 views
最近城中最熱門嘅台灣食店中,玖五牛肉麵一定榜上有名。皆因係何家小姐做老闆,全城媒體,名人朋友都鋪天蓋地咁幫手宣傳,大家想唔知都幾難草根作為貪新鮮嘅一份子,當然要去試一試!好彩去到唔洗排隊,一坐低店員就俾左份餐牌我地。牛肉麵可以揀湯底,同牛肉嘅部位。草根點左2款麵,幾款小食share牛筋拌麵 ($88)Beef Noodle with Tendon由於草根妹妹中意食牛筋,所以特別叫咗一個全牛筋拌麵🥢拌麵冇熱湯浸住🍜,所以麵質食落特別煙韌,比平日食開嘅麵更有咬口。牛筋軟腍入味,又充滿膠質,草根妹妹就係愛❤️牛筋呢種Q彈嘅感覺😋。再者,牛筋大大嚿,份量好慷慨,不過拌麵味道有點淡,湯麵味道豐富d好食d,而且$88蚊拍得住碗拉麵嘅價錢,好似貴左少少啊🙈紅燒半筋半肉牛肉麵 ($88)Braised Beef Noodle with Meat & Tendon另外草根仲試咗紅燒版本嘅半筋半肉牛肉麵🤤可能因為有熱湯浸住♨️,呢碗牛筋口感上比較軟身。牛肉同樣都係大大件,肉質滑滑嫩嫩,質素都唔錯嫁。而且以肉類配菜嚟講,呢間真係又多又好食,食甘多肉真心好滿足🍖❤️店員講紅燒湯底較淡味,但係草根覺得味道okay喎🙌🏻唔淡味嫁,整體味道比拌麵更好食😋滷牛筋&滷牛肉 ($48)Braised Beef & Tendon in Taiwanese Spices今次草根一共試咗3款牛筋,有伴麵上嘅牛筋、紅燒同滷水,雖然大家都係牛筋,但無論係質感、味道都有小許不同。而呢碟額外點嘅滷牛筋算得上係最為入味、軟腍。係草根中意富有膠質,笠痴痴嘅感覺🤤滷牛肉都比想像中濃味😍好不錯👍🏻甜不辣&滷蛋&滷花干 ($28)Friedfish Cake & Braised Egg & Braised Beancurd in Taiwanese Spices草根揀咗3款滷水小食:甜不辣、滷蛋同滷花干,呢到嘅滷水帶甜甜嘅味道。甜不辣係草根較少食嘅小食,原來即係魚餅,味道唔錯,口感好煙韌,咬落口感好有趣😆滷蛋同滷花干就正常水準。豆魚(腐皮、芽菜)($32)Bean Sprouts Wrapped in Thin Sliced Bean Curd豆魚草根都係第一次食,店員話之前斷貨,最近先有番,推介草根試試☝🏻。原來豆魚係用了腐皮包住大量芽菜,芽菜都算粗粗壯壯👍🏻發育良好😂,口感十分爽脆,可惜醬汁太少😅味道較為清淡單調。冬瓜檸檬珍珠茶 ($31)Winter Melon Lemon Drink with Pearls嗱嗱嗱,因為大家都讚👍🏻,草根都點左呢杯飲品🍹。第一次飮冬瓜檸檬珍珠茶,其實味道比想像中好,味道清新,加上特級煙韌嘅珍珠,唔會太甜🙌🏻嚟到可以一試!見之前有唔少差評,不過今次草根食過又覺得唔錯,應該係餐廳聽左意見改良過。牛肉麵真係唔錯嫁,不過價錢真係比較貴d,嚐嚐新都可以,反正香港人總係貪新鮮,價錢高都阻止唔到我地去嚐新嘅心。可惜嘅係今次無緣見到超蓮呢! continue reading
(The above review is the personal opinion of an user which does not represent OpenRice's point of view.)
Level4 2018-06-05
2726 views
說起話題牛肉麵,想起的就是這間!單是從台灣老店引入,已經夠吸引。這晚抱潮聖心態而去,結果一試愛上。紅燒三合一麵 ($95)遠遠就聞到香濃的味道,聽說湯底用牛骨熬了8個鐘。中辣不太夠辣,反而突出了湯底的醇厚和油香。牛筋、牛肚、金錢肚每樣幾件,餸多得能鋪滿大大的碗口,超有誠意。牛肉牛筋厚切軟腍,足足有女仔拳頭大小呢!配彈牙十足的硬麵,叫人念念不忘。蕃茄牛雜三合一麵 ($95)蕃茄湯底,最明顯的,是煲湯那樣大塊的紅蘿蔔?看上去跟紅燒相似,喝起來多了一點點開胃的酸。這是從另一張menu上發現的,大概是限定特別版?價錢一樣,餸換成牛板筋、草肚和牛肉。牛板筋和草肚,比原版更煙韌有嚼頭。喜歡咬口的話,記得叫這個。滷味拼盤 ($38/2款)滷豬大腸入味唔韌,滷得剛好無過鹹。中間的肥膏全都清掉,可以放心大啖食。滷豬血糕,切成條狀幾方便。蜂蜜檸檬珍珠紅茶 ($31)、台式珍珠奶茶 ($29)白珍珠晶瑩剔透,賣相可愛,可惜中間有點硬……蜂蜜甜香,同時有檸檬和青檸,味道清新,比珍珠奶茶那杯吸引。單價$100內,罕有的無加一,店員又有禮貌。牛肉麵夠哂足料飽肚,絕對encoreable! continue reading
(The above review is the personal opinion of an user which does not represent OpenRice's point of view.)