Video
Read full review
2020-03-03
3089 views
係youtube 某香港搵食channel 看左條片講陸羽茶室，決定同屋企人第一次黎陸羽飲茶。唔知係咪呢排個市差，打電話黎想訂檯，結果樓面話3點前黎得架啦，如是者我地兩點鐘鬆黎到久仰既陸羽茶室。如果你係同我一樣未黎過的話，張點餐紙係無openrice 大家推介既某幾樣熱門野的，只要你落單個陣同侍應生講就ok。落完單佢會拿條滾燙既熱毛巾俾你抹手，好懷念既舊式酒樓服務。既然第一次黎，就照熱門推介落單，如下：杏汁豬肺湯#（$2x0）蝦多士（$300？！）蝦餃豬潤燒賣#蒸排骨蛋黃麻蓉包#桂花白蹄糕#煎粉果連湯頭兩個餸點餐紙無，亦都唔覺有地方顯示價錢所以特登寫俾大家參考。無特登寫價錢既點心價錢大概係56-60一份。有#既食品係我食完印象特別難忘，覺得值得得一試既。杏汁豬肺湯我第一次飲，杏香好重，豬肺滑溜，唔識看點為之乾淨，但眼見都係粉白色既，唔會有黑灰色既情況出現。豬潤燒賣非常出色，大大塊豬潤，基本上看唔到下面粒豬肉。豬肉索曬豬潤既汁，我仲以為溝左內臟。麻蓉包既麻蓉非常好咬口，蛋黃唔會過熟死實。留意翻兩樣野：一定要趁熱食；好頂肚，每人四分一個已經好頂，建議無三個人黎唔好叫，除非你好食得。最意外係
唔知係咪呢排個市差，打電話黎想訂檯，結果樓面話3點前黎得架啦，如是者我地兩點鐘鬆黎到久仰既陸羽茶室。
如果你係同我一樣未黎過的話，張點餐紙係無openrice 大家推介既某幾樣熱門野的，只要你落單個陣同侍應生講就ok。落完單佢會拿條滾燙既熱毛巾俾你抹手，好懷念既舊式酒樓服務。
既然第一次黎，就照熱門推介落單，如下：
杏汁豬肺湯#（$2x0）
蝦多士（$300？！）
蝦餃
豬潤燒賣#
蒸排骨
蛋黃麻蓉包#
桂花白蹄糕#
煎粉果連湯
頭兩個餸點餐紙無，亦都唔覺有地方顯示價錢所以特登寫俾大家參考。無特登寫價錢既點心價錢大概係56-60一份。有#既食品係我食完印象特別難忘，覺得值得得一試既。
杏汁豬肺湯我第一次飲，杏香好重，豬肺滑溜，唔識看點為之乾淨，但眼見都係粉白色既，唔會有黑灰色既情況出現。
豬潤燒賣非常出色，大大塊豬潤，基本上看唔到下面粒豬肉。豬肉索曬豬潤既汁，我仲以為溝左內臟。
麻蓉包既麻蓉非常好咬口，蛋黃唔會過熟死實。留意翻兩樣野：一定要趁熱食；好頂肚，每人四分一個已經好頂，建議無三個人黎唔好叫，除非你好食得。
最意外係桂花馬蹄糕，一入口滿口桂花香，同埋好難得地唔會過軟過硬，好少見咁好既質感。
至於有人可能問點解我無推介蝦多士，理由有幾個：
一，好大份，一份有8件，一個人其實兩件已經好夠，你無4個人黎我唔建議你叫呢樣野；
二，個人覺得性價比同其他食品相比下比較低，碟蝦多士佔左我呢餐總值30%，好食，但係我覺得唔係好值。反而杏汁豬肺湯我自己就覺得好抵，因為真係無幾可有咁高質既豬肺湯。
上面咁多樣野連三位茶介（每位$36），盛惠$1137。全餐感覺侍應生服務不錯，完全唔覺得有其他食評所講既服務不周，食品亦都覺得有誠意。不過呢排市道差既情況下，收斂啲都好正常。做完孝順仔，係時候又要幫荷包止下血。
蝦多士
$300
177 views
0 likes
0 comments
杏汁豬肺湯
173 views
0 likes
0 comments
Post
