Video
Read full review
2025-08-02
0 views
聽朋友講大圍The Wai開咗間日式pancake店，專門做西日fusion料理，最近都想搵個靚環境嘅地方嘆個悠閒下午茶，就決定親身去試下有咩咁特別👀一入到去已Feel到濃濃嘅日式禪意，木系色調配搭庭園風格設計，光線充足唔刺眼，空間感十足令人好放鬆🌿小食拼盤🍤份量豐富嘅炸物組合：雞翼炸得金黃香脆，外皮薄身唔油膩，肉質嫩滑多汁，配搭日式辛辣醬，帶少少刺激感好惹味！至於吉列大蝦外層酥脆內裡鮮甜，蝦肉爽彈有咬口，炸功一流唔油膩！而炸薯條配黑松露沙律醬都好開胃～極濃蝦汁意粉 🦐屬於佢哋嘅招牌菜！個人認為佢對得住佢個名 (極濃) 蝦汁濃郁到似蝦膏，意粉偏幼身掛汁力極強，質感煙韌彈牙，食落滿口蝦香，由第一啖到最後一啖都保持住同樣嘅濃郁程度～食完陣蝦味會喺口腔停留一陣先散，證明佢有幾濃🤣提拉米蘇布朗尼梳乎厘班戟 ☁️面頭灑滿可可粉增加視覺效果，輕輕搖晃就感受到佢嘅軟綿質感，濃厚蛋香配上雲朵般嘅口感，難怪網上個個大推呢度啲梳乎厘班戟✔️側邊嘅brownie質感濕潤，帶微苦可可味，配搭浸過咖啡酒嘅手指餅，酒香淡雅唔會搶鏡。每一啖都食到咖啡香，係打卡必點嘅甜品！已經plan緊下次再嚟試其他梳乎厘班戟款式喇😚香
聽朋友講大圍The Wai開咗間日式pancake店，專門做西日fusion料理，最近都想搵個靚環境嘅地方嘆個悠閒下午茶，就決定親身去試下有咩咁特別👀一入到去已Feel到濃濃嘅日式禪意，木系色調配搭庭園風格設計，光線充足唔刺眼，空間感十足令人好放鬆🌿
小食拼盤🍤
份量豐富嘅炸物組合：雞翼炸得金黃香脆，外皮薄身唔油膩，肉質嫩滑多汁，配搭日式辛辣醬，帶少少刺激感好惹味！至於吉列大蝦外層酥脆內裡鮮甜，蝦肉爽彈有咬口，炸功一流唔油膩！而炸薯條配黑松露沙律醬都好開胃～
極濃蝦汁意粉 🦐
屬於佢哋嘅招牌菜！個人認為佢對得住佢個名 (極濃) 蝦汁濃郁到似蝦膏，意粉偏幼身掛汁力極強，質感煙韌彈牙，食落滿口蝦香，由第一啖到最後一啖都保持住同樣嘅濃郁程度～食完陣蝦味會喺口腔停留一陣先散，證明佢有幾濃🤣
提拉米蘇布朗尼梳乎厘班戟 ☁️
面頭灑滿可可粉增加視覺效果，輕輕搖晃就感受到佢嘅軟綿質感，濃厚蛋香配上雲朵般嘅口感，難怪網上個個大推呢度啲梳乎厘班戟✔️側邊嘅brownie質感濕潤，帶微苦可可味，配搭浸過咖啡酒嘅手指餅，酒香淡雅唔會搶鏡。每一啖都食到咖啡香，係打卡必點嘅甜品！已經plan緊下次再嚟試其他梳乎厘班戟款式喇😚
香蕉咖啡 🍌
杯底有新鮮香蕉果蓉，配搭咖啡嘅微苦形成平衡。講真都係第一次試呢個組合，估唔到原來香蕉嘅天然甜味同咖啡香係咁夾～
凍芒果茉莉綠茶 🥭
清香茉莉花茶配上香甜芒果漿，口感清爽解膩，茶香同果香交織，配搭重口味嘅主菜就最好！
Post
