Video
Read full review
2009-08-08
10 views
估唔到晚晚都坐爆!!今晚我哋兩個人等咗20分鐘到, 差唔多九點鐘, 諗咗好耐食乜好, 因為樣樣嘢都好似好好食, 又大蝶, 整體嚟講又唔算貴. 對住個menu花多眼亂, 就不如叫個羊肉餃子, 黃燜羊肉, 虎皮青椒, 加支大青島. 先來個一口羊肉餃子, 一碟40蚊有15隻, 先點吓個醋汁, 一啖一粒, 爽呀! 最鐘意佢有少少羶味, 個皮又滑又煙un, 唔似一般d餃子個皮咁"鞋". 裡面d羊肉又飽滿又多汁, 食得出羊肉好新鮮, 見到粒粒都咁飽滿, 一啖一粒, 感覺唔錯!第二道菜係黃燜羊肉, 羊肉燜到好淋, d調味入哂d羊肉度, 又不減羊肉本身o既鮮味, 而且羊肉唔肥, 好好味! 再加上個煲入面有幾塊面粉之類o既嘢, 吸哂d燜羊肉汁, 係精華所在. 個燜羊肉煲加咗金針, 帶出酸酸哋o既味道, 令到人食極都唔"漏"! 我哋兩條友, 見到仲有d汁剩, 梗係加個白飯, 撈埋佢啦最後先嚟個虎皮青椒, 個汁一樣好好味, 但係d青椒燒得未夠淋, e道菜太爽反而無咁好食, 同埋我好黑仔, 十舊有八舊都超辣, 唔食得辣o既真係唔好叫, 但係賣26蚊, 辣吓都幾抵喎!
今晚我哋兩個人等咗20分鐘到, 差唔多九點鐘, 諗咗好耐食乜好, 因為樣樣嘢都好似好好食, 又大蝶, 整體嚟講又唔算貴. 對住個menu花多眼亂, 就不如叫個羊肉餃子, 黃燜羊肉, 虎皮青椒, 加支大青島.
先來個一口羊肉餃子, 一碟40蚊有15隻, 先點吓個醋汁, 一啖一粒, 爽呀! 最鐘意佢有少少羶味, 個皮又滑又煙un, 唔似一般d餃子個皮咁"鞋". 裡面d羊肉又飽滿又多汁, 食得出羊肉好新鮮, 見到粒粒都咁飽滿, 一啖一粒, 感覺唔錯!
第二道菜係黃燜羊肉, 羊肉燜到好淋, d調味入哂d羊肉度, 又不減羊肉本身o既鮮味, 而且羊肉唔肥, 好好味! 再加上個煲入面有幾塊面粉之類o既嘢, 吸哂d燜羊肉汁, 係精華所在. 個燜羊肉煲加咗金針, 帶出酸酸哋o既味道, 令到人食極都唔"漏"! 我哋兩條友, 見到仲有d汁剩, 梗係加個白飯, 撈埋佢啦
最後先嚟個虎皮青椒, 個汁一樣好好味, 但係d青椒燒得未夠淋, e道菜太爽反而無咁好食, 同埋我好黑仔, 十舊有八舊都超辣, 唔食得辣o既真係唔好叫, 但係賣26蚊, 辣吓都幾抵喎!
Post