T Café 1954 (Closed)

一朝早去睇早場，睇靚佬湯嘅Mission Impossible第六集。完場後，好肚餓，因為未食早餐就走去睇。我哋行咗去荃新天地嘅泰昌，食個 “好早嘅午餐。”呢度個規距，係要自己去櫃台買飛，然後拎番個數字牌返埋位，等一陣，就會有專人送上嘢食嘢飲來。睇睇今日午餐牌，好快就決定食一個正餐和一個L5馬來咖喱牛腩飯，飲品就叫了熱咖啡。上嘢超級快，先來的是牛腩飯。賣上好似好得，有一陣椰香味。裡面都有好多牛腩，食落又腍又入味。個汁係有好多黃薑的，所以只會香不會太辣，啱晒怕辣嘅人。正餐係一碗沙嗲牛肉麵、煎雙蛋和一個超巨型菠蘿油。雖然啲麵未煮得夠腍，要扣分。好彩，牛肉可以補番數，攞番唔少分，因為佢好腍，味道少少辣，好惹味。至於個超巨型菠蘿油真係好浮誇，但係，我又好鍾意。大大啖咬落去，連埋啲牛油一齊入口，感覺超正。下次去睇早場的話，可以再來encore。