Go Inside Kitchen (Closed)

去開觀塘，男朋友話要想食牛扒而本人又唔鍾意去大店，就去左呢間叫GO INSIDE既西餐廳，估吾到工廠大廈入面有一間西餐廳咁正宗，環境都幾好。睇左MENU，SET DINNER份量好多，如果空肚黎的話就可以大飽口福! 甘岩我地食左下午茶，所以單點兩樣Main course，兩樣都值得推介。 新鮮空運澳洲西冷伴紅酒汁（必食）叫左7成熟，熟度岩岩好，唔太生，夠厚！好大塊！份量十足！入口仲有陣陣既濃郁既牛味，舔醬汁食又有另一番風味，其實呢度既牛扒真心不錯，值得推介。比目魚紅菜頭蘋果汁意大利飯對於我黎講，紅菜頭係新鮮事，估唔到加埋蘋果汁會有咁既化學效果，感覺好新鮮，好香，可見師傅調味有D深度，值得比讚，比目魚又唔會老，仲係嫩滑果種，伴碟都好靚，好食！