Pizza Piazza

Open Now

Now Closed

今日經開荔枝角呢頭做嘢，順便試下呢度啲餐廳。行行下見到呢間星期六有65折，而男朋友又想食西餐，一於就試試佢。呢度嘅裝修都幾靚，適合打卡。張枱係雲石紋，影食物相都幾呃like。餐廳入面播緊英文歌，環境舒適。旁邊仲有個角落仔擺咗啲書，比人拎嚟睇。一坐低，staff就即刻攞咗兩杯水同埋畀咗個餐牌我地。lunch set包埋湯同餐包。餐湯嚟咗之後，staff都好主動咁問我哋要唔要胡椒。湯加左蒜蓉包粒，增加口感。餐包係熱既，入面好鬆軟。芝士四重奏（$138）餐廳名叫pizza piazza，咁梗係要試下佢既pizza啦。芝士四重奏入面有四隻芝士：水牛芝士、塔勒奧芝士、藍芝士同巴馬臣。芝士味好濃郁，加埋蕃茄中和咗冇咁溜。 而且佢個pizza皮唔會話好厚，啱曬我呢啲鍾意食料多過食皮嘅人。北海道大帶子配野菌黑松忌廉汁意大利飯（$138）個risotto都幾多料。'堅' 水牛城雞翼（$28）我哋另外再加多咗個雞翼，係煎香咗嘅雞翼，上面鋪咗層好濃嘅番茄醬。Earl grey tea係mighty leaf的earl greyCappuccino咖啡師整咗個心形比我地。