介紹下是日係掌壽司的晚餐先
環境舒服, 人唔太多, 乾淨, 員工好友善
盤時令刺身($398)好吸睛 特別是原板馬糞海膽
整盤刺身賣相不錯 刺身也好新鮮 最愛金目鲷刺身 口感一流
好鐘意夾少少wasabi 直接放入口試下味 呢個都唔例外
一入口唔太’芹’ 滑滑地 最驚喜係佢有啲口感 同其他餐廳的的確有點唔同
員工講wasabi係師傅自己整的 唔怪得啦! 唔覺唔覺巳食左一半wasabi lu~~
呢兩串冬菇 ($30)望落去乾'真真' 仲要冇sauce~
但菇不可以貌相 其實係好juicy 落左啲鹽呢燒鹹鹹的 有驚喜 燒冬菇真好值得再食 贊
啲壽司都唔錯 我個人比較鐘意櫻花蝦鰻魚玉子卷 ($45) 下次一定會再點
可自備酒 掌壽司唔收開瓶費 下次同班朋友一齊黎食時攞支响21一齊開心share
