Le Monde

Open Now

Now Closed

收工約左朋友食飯，嚟到觀塘既工廈食法國菜，一入到餐廳，座位之間有一定距離，坐得都幾舒服，仲播住悠揚悅耳既音樂，都幾有feel。餐前麵包麵包有三款，各有不同既口感，搽埋鮮牛油更加正。Le Monde 特製濃蝦湯餐廳既招牌濃湯，質地濃稠，入面既蝦好彈牙，飲落味道相當濃郁，好值得一試。法式慢煮油封鴨脾配薯蓉及紅椰菜鴨脾外層金黃香脆，鴨肉鬆軟得嚟帶少少油脂。醬汁個味道亦調得好出色，同鴨脾既味道好夾。配菜方面，薯蓉creamy得嚟帶少少薯粒，幾有口感，仲食到少有既紅椰菜，食得出係精心烹調之作。法式紅酒燉澳洲牛臉頰肉牛臉頰肉肉質非常鬆軟，入口好順又唔會覺得好膩，而且非常入味。底部既配菜有薯蓉，配埋紅汁酒真係一流。