華記潮州滷水車仔麵

Open Now

Now Closed

華記潮洲滷水車仔麵都幾岀名，之前電視節目都有介紹，今日專程嚟試吓。🔸豬雜麵 $55 大大碗，配料好豐富，有豬腸豬膶豬肺等等，豬什冇異味，唔會煮得過淋，滷得入味，加上秘製潮州辣椒油，刺激得嚟又不會過分，正！🔸三餸車仔麵 $49 牛筋軟滑黏口，豬紅軟嫩，大腸黐住少少肥膏，入口甘香，湯底加啲腩汁更加惹味🔸涼拌生腸 $28 生腸口感韌而不柴，微辣醬汁好惹味，加上芫荽同脆卜卜嘅花生，唔錯。🔸太陽餅（蝦餅） $40 外層炸得金黃酥脆，每一啖都有鮮蝦味，沾少少甜酸醬更加好食🔸王老吉 $10，可口可樂 $7 冰涼飲品，清爽解渴，配熱辣辣車仔麵好正！