娘惹廚房 (Closed)

今晚到屯門睇戲，睇戲之前打算食d野先。屯門一向比我既感覺係有好多食肆，但好食既地方又好似冇乜咁，係openrice見到呢間印尼菜都幾多好評，於是打算試一試。因為去既時候只係六點多，所以一入去就有位！因為我地懶唔想諗食咩既關係，見到佢有個二人餐都幾抵食，於是就叫左！首先係印尼梳多海鮮湯，個名都幾特別，未試過，味道都唔錯，裏面有d粉絲，芽菜，魷魚粒，蜆肉粒咁！第二樣味菜係娘惹印尼燒雞,佢地既娘惹醬係自家製既,幾野味,送飯一流!另外食既時候要唧少少青檸汁,會好食D既!(呢樣係個度既店員提醒我地既!)最後一味我地揀左娘惹炒通菜(Haha 繼續娘惹!),都唔錯,幾有獲氣!如果嫌普通左D既,套餐其實都可以揀加多加多(印尼沙律),不過個人來講因為係其他地方食過就覺得一般,所以就冇揀到!另外套餐仲包大碗白飯同飲品,個人來講$158 都幾抵食,仲要唔洗加一tim!順帶一提,呢度既SERVICE都唔錯,臨走埋單時幾個店員都異口同聲咁同我講"多謝晒你呀小姐!",食個百幾蚊野都咁好口,真係好難得呢!