港口味冰室 (Closed)

奴性強的香港人最愛口味之一，一定有冰室，貪佢夠快，不論早餐、午餐、下午茶、晚餐、消夜，幾點都可以食，價格又實惠，食完又可以返公司繼續OT。而且仲有種莫名的親切感，這就是香港人的味道。門口就有樽仔奶茶、咖啡專櫃，可以即買即走！店面環境都幾乾淨，有裝潢，卡位多。晚餐小菜多選擇，menu也很貼地，有頹飯四寶，懶人恩物，好搞笑！樽仔奶茶(原價$25、自取價$15、快餐加$7)，自家製奶茶，茶味香濃，很順口，原來茶底係店家自己溝的，用最傳統的方法來整，果然好味道。招牌海南雞飯($52)係招牌，雞有鲜味，飯帶椰香，附醃蘿蔔。翠玉瓜炒雞柳($58)鑊氣夠，炒得很香。瓜切得細，一口size，雞肉很滑嫩，加了菇炒，很健康。要求多多的我們，要少油少鹽又少肉，都能一一滿足我們，服務不錯。燉湯(跟餐加$38)雪耳木瓜燉雞，好大盅，夠兩人用，又足料，有雞翼、雞腳、瘦肉一齊燉，味道清甜。火龍果咕嚕肉($65)沒有再用菠蘿炒，反而用火龍果，很創新。炸漿唔會好厚，肉很嫩，也下了大量青紅椒、洋蔥，做到蔬菜和肉食營養均衡，酸甜味很好下飯，。鐵板蝦乾肉碎啫啫芥蘭($65)不惜工本，有大隻蝦干、小魚干，芥蘭爽脆，炒得十分香口