8
我地揀咗---老鴨湯底
半隻細鴨在湯底中, 滾起就食得, 鴨肉好林, 用筷子夾起都能撕出梳梳鴨肉, 湯底香甜濃郁, 未開動打邊爐, 我倆都飲咗半個湯底。
海鮮拼盤:
包括有蝦、扇貝、蜆、鮑魚、鱔片, 其中鮑魚較為出色, 鮮甜彈牙。
手切特級牛(細):
牛肉呈棕紅色, 稍為烚幾秒食, 肉嫩非常。
三寶丸、韭菜餃及蟹肉餃
三寶丸有墨丸、牛丸、蝦丸, 粒粒手打爽口彈牙; 兩款餃好足料, 韭菜餃韭菜味好重, 蟹肉餃滲出鮮香味。
響鈴: 即炸響鈴口感鬆脆, 落鍋可以做到一秒響鈴, 食到湯汁味道同時又食到鬆脆口感, 正! 不過話明二人餐, 唔明點解只得三條。
套餐包括了田園雜菜籃、自選麵食同埋自選飲品。
最後老闆娘仲送糖水, 用北海道3.6牛乳煮成糖水, 其中更凝固成蛋白狀, 香滑奶味重, 正!!!
