부자칼국수 (Hillwood Road)

前排同朋友去尖沙咀行街，朋友就帶咗我去食韓國菜，話係香港第一間嘅韓國刀削麵餐廳；當日係夜晚七點左右，都要排一陣隊先入到去食，餐廳嘅座位都唔算好多，想食嘅就最好早少少去。值得一讚嘅係職員嘅態度非常好同好helpful，當日咁岩我朋友去餐廳前買咗個好大嘅行李，餐廳職員都轉登安排個地方俾我地存放行李。

🍜花蛤刀削麵👍👍
花蛤嘅份量都幾多，啖啖都有鮮味，都幾大粒同埋無沙；一開頭以為湯底應該會好清淡，但味道非常鮮甜，最尾都忍唔住飲哂成個湯；刀削麵嘅口感都非常彈牙，份量都好多。

🍜牛骨湯刀削麵
牛骨湯嘅牛骨味都算濃郁，亦都唔怕油膩；牛肉嘅肉質都唔會好韌，而面嘅份量同花蛤個碗一樣都係咁多同彈牙。

1

🐟海鮮韭菜煎餅
煎餅嘅材料非常豐富，除咗有韭菜，仲有唔同款嘅海鮮，材料非常豐富；而煎餅嘅外皮非常香脆，厚度亦都岩岩好。