茶墨 (Closed)

同朋友喺the one食完飯行過見到呢間飲品店，店面算係半open area， 有啲座位同企位 成個裝修設計好文青，見到啲相真係好吸引好似藝術品咁，所以同朋友一人買咗一杯佢最主打嘅水墨系列，睇下究竟佢係行實力派定偶像派，仲加多咗一個甜品，女人真係有第二個甜品胃 1️⃣麻糬芝麻烏龍鮮奶茶賣相真係好靚，黑芝麻嘅顏色令到成杯嘢飲更加似一幅畫 ，打卡真係一流，飲落唔會好甜，好香芝麻味，就好似將個芝麻糊，濃縮咗咁樣，麻糬好煙韌帶少少甜味，完全係一個糖水甘，飲完好滿足好飽 2️⃣麻糬芋泥茉莉鮮奶綠賣相同樣冇得輸，淡淡嘅藕粉色更加夢幻，杯底有好多芋泥，所以建議攪勻飲就可以同時飲到芋泥同埋麻糬，口感再豐富啲，芋泥都幾綿密，加上茉莉奶綠有淡淡清香，飲落唔會覺得好膩，係幾清新嘅一個飲品3️⃣草莓芝士蛋糕草莓芝士蛋糕帶少少微酸，整體甜度大約微糖，芝士味唔算好出，但係好creamy軟滑，食完唔會有罪惡感，算係一個好light嘅甜品