Video
Read full review
2023-09-12
324 views
想獎勵吓自己黎咗呢間朋友介紹嘅高級和牛燒肉店嘆靚和牛。餐廳非常闊落舒適，仲有大量卡位，坐得舒服。裝潢方面用咗大量木系傢具，就好似置身日本一樣。當日仲有唔少日本人幫襯，質素有保證。我哋兩個人叫咗份平時比較少食到嘅鳥取和牛肉眼燒肉拼盤，店員介紹鳥取和牛源自江戶時代，肉質入口即融。日本煙肉沙律 $98食燒肉之前先食d健康嘅沙律，是日沙律除咗沙律菜仲有煙肉粒同烘到香脆嘅麵包粒，加埋酸酸哋嘅沙律汁，非常開胃。特選鳥取和牛肉眼&燒肉拼盤 $1880拼盤可以一次過食到5款牛，分別係和牛赤身、牛舌、特選和牛牛排肉、特選鳥取和牛肉眼同和牛牛排肉。-特選鳥取和牛肉眼：整塊肉眼呈粉紅色，一睇就知肉入面嘅油脂比例高，食落完全係入口即融，和牛嘅油脂喺口腔入面四濺。-和牛牛排肉：牛排肉相對肉眼厚身，肉質腍嫩。-特選和牛牛排肉：同樣係牛排肉但特選嘅油花分佈更加平均，賣相更加靚，入口即融。-和牛赤身：至於和牛赤身相對其他幾款牛肉油花比較少，肉質軟嫩，肉味就更加香濃。-牛舌：雖然係薄切，但口感仍然好爽彈有咬口。燒肉拼盤本身係唔跟飯嘅，不過食燒肉當然要配碗飯先夠滿足。荔枝/梅子梳打 $45飲品就叫咗兩杯果味梳打，荔枝味就
日本煙肉沙律 $98
食燒肉之前先食d健康嘅沙律，是日沙律除咗沙律菜仲有煙肉粒同烘到香脆嘅麵包粒，加埋酸酸哋嘅沙律汁，非常開胃。
特選鳥取和牛肉眼&燒肉拼盤 $1880
拼盤可以一次過食到5款牛，分別係和牛赤身、牛舌、特選和牛牛排肉、特選鳥取和牛肉眼同和牛牛排肉。
-特選鳥取和牛肉眼：整塊肉眼呈粉紅色，一睇就知肉入面嘅油脂比例高，食落完全係入口即融，和牛嘅油脂喺口腔入面四濺。
-和牛牛排肉：牛排肉相對肉眼厚身，肉質腍嫩。
-特選和牛牛排肉：同樣係牛排肉但特選嘅油花分佈更加平均，賣相更加靚，入口即融。
-和牛赤身：至於和牛赤身相對其他幾款牛肉油花比較少，肉質軟嫩，肉味就更加香濃。
-牛舌：雖然係薄切，但口感仍然好爽彈有咬口。
燒肉拼盤本身係唔跟飯嘅，不過食燒肉當然要配碗飯先夠滿足。
荔枝/梅子梳打 $45
飲品就叫咗兩杯果味梳打，荔枝味就較香甜，梅子味就用咗原粒梅子，樁碎之後帶梅子嘅清香同鹹香，生津解渴。
。
。
和牛燒肉‧純 (尖沙咀)
尖沙咀東部加連威老道96號希爾頓大廈1樓3號舖
。
。
Post
