放題好高質🥢海膽手卷原來即製
大喜屋有咁多間分店，唯獨尖沙咀殿 大喜屋依間未食過🤣午市時間去都係全場滿座，好彩有book位咋！
❣️午市放題❣️ $298/位
想食耐啲，可以揀午市放題呀😛有3個鐘㗎！今次食咗好多嘢🤣拖羅同埋和牛都係任食！推薦幾款心頭好俾大家！
💛刺身💛
打頭陣緊係刺身啦！全部都好新鮮，質素都好高！有啲仲係好少喺放題食到🤭
三文魚刺身-近腩位，厚切有口感
👑拖羅刺身-油花分布完美，魚油味香濃
針魚刺身-肉質結實，味道鮮甜
❤️吞拿魚他他❤️
淨係個賣相都已經令人食慾大增😆厚切吞拿魚，口感十足！旁邊嘅醬汁好開胃✨
🤎花雕醉鮑魚🤎
初時以為放題嘅鮑魚會細隻啲，點知佢肉質結實得嚟又冇縮水🤤大大隻，好入味！涼浸浸嘅感覺好啱夏天食！
🧡海膽手卷🧡
原來海膽手卷係去排隊拎，即叫即整超級新鮮！連紫菜都係脆卜卜，配上鮮甜海膽 夠晒滿足🤤
❤️避風塘炒蟹❤️
喺放題食炒蟹真係第一次，本身以為冇咩蟹肉，但原來咬落去啖啖肉🦀仲好入味添！
💚燒香草羊鞍💚
每次食放題都一定要食羊肉😌羊鞍厚實，冇羶味，擠少少檸檬汁仲可以解膩呀！🍋
💛炸物💛
相信大家食放題都會嗌返幾件炸物🤣Hatty都唔例外！即叫即炸嘅炸物，酥脆又好食😋
👑芝士年糕-酥脆外層包住煙煙韌韌嘅芝士年糕，口感豐富
榴槤炸彈-榴槤味濃郁，絕對食上癮
💜甜品💜
甜品選擇超級多，除咗有一般放題嘅小蛋糕，仲有布丁燒同埋木糠布甸🍮相入邊四款甜品都係我相當推薦🤤每款都值得瘋狂食！
💙自助區💙
依度嘅嘢食唔淨止手機落單嗰啲，行到去自助區仲有其他炸物、小菜、雪糕、飲品！選擇真係好多呀😍
2
以午市3個鐘嚟講，時間鬆動😚唔使急，慢慢享受美食都得！😝店員效率都好高，落咗單之後都唔使等好耐就已經有嘢食！就算未有嘢食都可以行去自助區呀😆BTW記得save post，方便到時跟住嗌啦❣️
📍殿 大喜屋
📍尖沙咀金巴利道26號1樓
