Burgeroom (美麗華廣場1期) (Closed)

昨晚去完九龍公園游水補，打算對自己好啲，食好啲，行去對面美麗華食漢堡包，今次就試下Burgeroom。今次叫左個菠蘿燒烤醬雞柳漢堡，再加牛油果醬芝士薯條，估唔到呢到生啤既選擇幾啱口味，有1664白啤酒，即時叫左杯黎爽下🍺👍🏼。先上左個芝士薯條，薯條係粗薯，食到入面仲有薯泥，外脆內軟好正，由於薯條上面加左芝士，入口好野味，配埋個牛油果醬好醒胃，中和啲芝士，食整都唔膩。個漢堡係雞柳，一啲肥肉都無，夠晒健康，配上菠蘿同燒烤醬，非常野味，而入面仲有洋蔥同生菜等配料，口感豐富。做完運動，嘆返個漢堡、薯條加啤酒，人生一樂也。而且呢間舖仲免加一，食物大大份又好味，值得推介。