The Captain's House (Closed)

因為結婚周年總不能馬馬虎虎了事,所以上openrice搵吓有乜特別啲嘅餐廳。終於被Shake shake袋吸引揀咗依間原先唸住有五個人就選擇Combo C,但係有人想多試啲其他選擇,最後點咗Combo B。因為第一次試食所以醬汁選咗"mix & match",出奇地好味道裡面嘅海鮮的確非常新鮮,魷魚仔好嫰滑,八爪魚有咬口,帶子亦鮮嫰,蝦嘅份量最多。每樣海鮮吸收醬汁後特別濃烈刺激味蕾,不期然要加添醬汁到碟上唯獨小龍蝦仔覺得叫錯咗,因為略嫌無乜肉食當然係唔夠食㗎喇,所以再叫咗兩款side dish 他他牛當然係新鮮喇,入口牛肉帶出少少牛肉汁嘅鮮甜味,與一般熟食牛肉完全係另一個境界。墨西哥脆餅配上酸忌廉特別醒胃,餅身帶微微咸香及辛辣。確係開胃嘅另一個選擇,可惜份量唔算大,所以要再叫多一個摩天輪喜歡炸物嘅就一定會滿意喇生蠔外脆內軟。脆漿薄薄哋唔油膩,生蠔還可以隱隱食得出海水嘅咸鮮味炸魚好新鮮,蟹肉薯波非常香口炸魷魚餸啤酒一流當晚人客眼見約有七成滿,無需要等位。隔離檯年青人唱生日歌,熱鬧得嚟又唔算嘈雜,環境OK嘅。幾個女侍應反應好快,慶祝節目之選。