阿閒泰 (K11購物藝術館)

Open Now

Now Closed

嗰日揀咗食泰菜，餐牌唔算太多菜式，但都款款有啲。 餐廳簡單裝修幾光猛。本身想叫炒蜆同蠔餅，但咁啱無。之後叫咗脆皮豬頸肉、菠蘿炒飯、泰式鹹蛋黃炸雞翼、香辣炒通菜。飲品叫咗阿閒泰奶茶配自家製奶茶雪條凍及柚悠。個人推介豬頸肉，夠爽口啖啖肉。味道有泰式香料風味。菠蘿炒飯大大碟，而且仲配有兩串串燒。鹹蛋黃炸雞翼鹹蛋黃味唔會太濃郁，炸得香脆，單骨容易食。炒通菜夠爽口，而且好香辣惹味。飲品方便過奶茶真係值得打卡，透明樽裝奶茶。先倒熱奶落雪條度，令到佢半溶狀態再到茶。基本上一路飲雪條都未溶哂，可以慢慢享受奶茶味。柚悠係檸檬及西柚蜜糖，茶味濃郁。