Video
2-min walk from Exit D3, Tsim Sha Tsui / East Tsim Sha Tsui MTR Station
continue reading
Telephone
39969226
Introduction
The restaurant is decorated in a western-style idyllic style, with white as the main tone, and it feels elegant. It specializes in Thai-Western fusion dishes, which are cooked in Western style and combined with Thai ingredients.
continue reading
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
-
Online Booking Service Not Available
這家餐廳一直在愛玩小生👦🏻想食的List入面，今次去開尖沙咀終於有機會試到！餐廳裝修設計很有心思，店內外都有打卡位，岩曬鍾意影相嘅朋友。而且座位寬敞舒適，坐得耐都唔會覺得累。餐廳走fusion菜路線，將泰式風味同其他元素結合！🍢 炭燒叉燒炭燒香氣不會太出，但叉燒肉非常軟嫩多汁，表面微微焦香，蘸上秘製醬汁，味道更加開胃！🍤 大蝦冬蔭功濃汁燴有機糙米飯這道菜將泰式冬蔭功的酸辣風味融入濃汁中，大蝦鮮甜彈牙，糙米飯吸收了湯汁的精華，口感豐富又健康，食完好飽肚！🍝 泰式醉貓炒黑毛豬肉闊粉闊粉炒得夠鑊氣，黑毛豬肉嫩滑入味，加上泰式香料同醬汁，味道層次豐富，不會太辣，好惹味！🥬 香辣炒通菜通菜炒得翠綠爽脆，香辣味道恰到好處，唔會太油膩，岩香港人口味呀！🍹 西柚冰涼特調飲品清新解渴，西柚的酸甜味道令人更加開胃又解渴，岩曬配搭濃味菜式，飲完即刻refresh！🧋 原味泰茶 配自家奶茶雪條泰茶香濃順滑，配上自家製的奶茶雪條，將奶、泰茶自行加入杯內，跟雪條慢慢融化後更添甜味，而且打卡必叫！不過，建議大家等雪條融多少少才飲，先會有Thai Tea應有的香甜口味。阿閒泰 AHAN THAI (K11 Art Mall)地址 ︰尖沙咀河內道18號K11購物藝術館2樓219號舖
continue reading
呢間泰國餐廳食物同環境都幾唔錯，試咗幾款菜，味道同賣相都做得用心。餐廳有個大月球主題，坐得幾舒服，甜品尤其做得好，令我印象深刻🥰泰鹹蛋黃單骨雞翼（$78）
一碟六件雞翼，炸得金黃，鹹蛋黃香氣好吸引。外皮脆，雞肉嫩滑，鹹蛋黃醬汁濃郁，帶少少甜，味道好平衡。六件份量啱兩個人share，開胃又好食。濃汁泰黃咖喱軟殼蟹（$228）
軟殼蟹炸得啱啱好，脆口唔油膩，配濃濃嘅黃咖喱汁好正。咖喱有椰香同微辣，仲有洋蔥同薯仔添口感。蟹肉新鮮嫩滑，沾滿汁食好滿足，兩至三人share都夠。蟹肉炒飯（$158）
炒飯粒粒分明，略為有鍋氣，蟹肉大舊，食落鮮甜無腥味。加咗蔥花同蛋絲，簡單但充滿海鮮風味，鍾意蟹嘅朋友會中意。泰式椰汁斑蘭河粉（$78）
呢個甜品好清新，河粉軟滑，浸喺椰汁入面，斑蘭香味自然，甜度啱好。冇椰絲同紅豆，食落簡單清爽，似泰國街頭嘅味道，食完好舒服。Tiramisu（$58）
Tiramisu好出色，咖啡味濃，忌廉滑，蛋糕濕潤，仲有微微酒香。上面嘅鹹雞蛋糕係亮點，微鹹嘅味道同甜嘅Tiramisu好夾，食落真是一個驚喜，甜品控一定會鍾意。
continue reading
位於K11 Art Mall既阿閒泰經常都有等位人龍，今次終於有機會朝聖😍餐廳主打摩登泰式x西式fusion菜，用上唔少泰國空運到港既食材同醬料，充滿創意既菜式唔係度度都食到！餐廳係半開放式充滿空間感，中間仲有個大大月亮裝置非常吸睛🌕🔸泰式醉貓黑毛豬肉手工卷粉餐廳推薦菜式之一，以甜豉油及香料炒成一碟濃香主菜，黑毛豬肉份量完全唔吝嗇！個人推薦配搭手工卷粉，形狀剛好掛汁，而且口感彈牙煙靭，食唔停口🤤🔸勿洞脆脆蠔餅份量驚人既蠔餅，最好同幾個朋友share！蠔仔份量唔少，口感香脆帶鮮味，配上魚露及辣醬令味道層次更豐富🔸炭燒魷魚鬚 炭燒香茅雞肉串燒餐牌上有不同炭燒選擇，其中魷魚鬚口感彈牙，帶微微焦香；雞肉同香茅一齊燒令香氣更濃郁，肉質嫩滑非常香口🔸椰香芒果黑糯米泰菜必食甜品，擺盤就好似一件藝術品，椰奶香氣、芒果鮮甜及黑糯米軟糯口感配搭得宜，仲可以將糖片敲碎拌勻一齊食！🔸泰式鴛鴦冰 泰式泡沫奶茶餐牌上好多特色飲品，其中最愛泰式鴛鴦冰，熱牛奶同黑咖啡份量可以自行調配，倒入奶茶冰上慢慢融化，口感醇厚；泰式泡沫奶茶同樣充滿茶香，甜度剛剛好🥰
continue reading
行完商場見肚餓，朋友想食泰國菜就揀咗呢間阿閒泰。餐廳入面仲有個好大嘅月球燈飾勁吸睛。呢到嘅菜式擺盤都好精緻，尤其係甜品，有少少西式fusion嘅感覺。椰汁雞湯(1人份) $68叫咗碗椰汁雞湯兩個人share，湯除咗有好香嘅椰汁、香茅、檸檬葉等嘅香料，味道都幾辣，啱晒鍾意食辣嘅朋友。泰式醉貓炒黑毛豬肉手工卷粉 $138手工卷粉好有特色，有d似大片嘅河粉，口感非常煙靭，加埋腍嫩嘅黑毛豬肉片，炒得入味，鑊氣十足。阿閒泰幸運炭烤拼盤 $258炭燒拼盤非常豐富，一上枱已經聞到好香炭火香氣。入面有虎蝦、燒牛肉、香茅雞串、魷魚鬚，仲有燒菠蘿、蕃茄同什菌。虎蝦新鮮爽口彈牙，菠蘿鮮甜多汁。最特別當然係香茅雞串，用雞腿肉捲住香茅嚟燒，雞肉嫩滑得嚟又吸收晒香茅嘅香味。鍾意食辣，仲可以點少少辣汁一齊食。椰香芒果黑糯米 $78黑糯米飯口感煙靭軟糯，飯中間竟然仲有芒果夾層，加埋面嘅芒果肉、脆糖、椰子片同椰汁，每啖都食到酸甜芒果同香濃椰汁味。。。阿閒泰 (尖沙咀)尖沙咀河內道18號K11購物藝術館2樓219號舖。。
continue reading
假期前夕，又係約朋友吹水食飯時間。 通常搵飯食地方一定要就腳，所以尖沙咀真係不二之選。餐廳都幾休閒舒適，90分鐘限時。 不過今晚的而且確幾多人。整體味道水準都算唔錯，而且份量都唔算細，我地3個人似乎叫得多左，最後要外帶回家😂。
continue reading