烤魚叔叔 (Closed)

雞煲🍲🍲🍲🍲🍲火鍋粉🍜🍜🍜🍜🍜串燒🍢🍢🍢🍢🍢今日帶男朋友嚟尖沙咀食麻辣雞煲，🍲雞煲超級惹味，有夠辣，我哋都係食得辣嘅人，完全啱晒口味，雞肉大大件超多肉，又嫩又滑又好味，鮮雞味十足。除咗食雞煲，仲嗌咗麻辣火鍋必有嘅🍜火鍋粉即係薯粉，放落麻辣雞煲一齊煮，吸左啲辣汁味道勁惹味，火鍋粉煙靭又彈牙，男朋友勁鍾意食呢隻粉，所以又嗌多咗一碗，食得好過癮。佢哋呢度嘅串燒🍡🍢都好好味，所以就嗌咗啲蔬菜串燒，燒冬菇和燒四季豆都非常推薦，冬菇香味十足，而且咬落去啖啖肉，加上少少辣調味粉，成隻冬菇嘅味道即刻提升。另外燒四季豆亦都非常好味，甜甜地又有咬口，我哋都食得好滿足。