烏蠅館 (Moved) New Location

天氣突然凍咗好多，所以決定同屋企人晚餐去食暖笠笠嘅烤魚。朋友食過話尖沙咀嘅烏蠅館唔錯, 介紹我哋 。六點去到餐廳，人不算多，環境幾靚，有啲中國風，牆壁有好多迷你茶壺，好似藝術品。我哋點咗一條三刀魚，因為鍾意呢款魚夠厚身，啖啖肉。我哋揀咗唔辣嘅蒜香味道，魚肉嫩滑，吸收咗蒜香味，真係好惹味。食完魚就可以加湯打邊爐，配料我哋叫咗雪花肥牛，蝦滑拼墨魚滑，粟米餃同稻庭烏冬。肥牛都幾大碟，份量多，牛肉味濃郁。店員好有禮貌，會介紹唔同食物同埋食法。