同朋友喺尖東行街，比我哋發現到呢間人氣韓燒店「西塔老太太」，見到門口個二人餐menu勁吸引，原價902，而家只係498，計返條數真係勁抵，即刻決定入去試吓！
坐低無耐，店員就送上滿滿一檯嘅前菜，有齊沙律🥗、泡菜、芽菜、薯蓉等等，全部都可以免費續添，好開胃！特別係用嚟包燒肉嘅生菜，好新鮮爽脆！🥬
呢個二人餐真係好豐富，等我逐樣同大家分享吓：
1
🍍 香翁鳳梨牛排
呢個絕對係全晚嘅焦點！🤩 成個菠蘿上檯，上面放住兩舊厚切牛扒，打卡一流！📸 牛肉燒完之後超級軟腍，肉汁滿滿，仲帶有好清新嘅菠蘿果香，完全唔漏，估唔到牛肉同菠蘿嘅配搭可以咁夾！
🥩 老太太特色肥牛
肥牛嘅油花分佈好靚，薄薄一片，放上烤網燒幾秒就食得。肉質好嫩滑，牛油香氣十足，入口即溶嘅感覺真係好幸福！
🍳 無菌蛋燒肉
呢個食法好特別，將燒好嘅牛肉片，蘸上旁邊嘅無菌蛋漿同醬油一齊食。蛋漿嘅滑溜口感，完美包住熱辣辣嘅牛肉，令到肉質更加順滑，味道層次即刻提升，甜甜咸咸好好味！
🐷 厚切豬五花
食韓燒點可以無五花腩！兩大條厚切五花腩，睇見都開心！😍 放上烤網慢慢燒，睇住啲油花「滋滋」聲咁標出嚟，真係好治癒。燒到兩邊金黃香脆，外脆內軟，用生菜包住，加埋蒜片同韓式辣醬一啖食落去，油香四溢但又唔會覺得膩，超級滿足！🤤
🌭 韓式風乾腸
呢個腸仔擺盤好似一朵花咁，幾有心思。食落口感比較煙韌，味道甜甜地，帶啲酒香，燒完之後更加惹味，係一個幾好嘅佐酒小食。
🍄 白蘑菇
唔好睇佢平平無奇，燒完之後係驚喜！蘑菇會出好多水，成個菇充滿住鮮甜嘅湯汁，一啖咬落去會爆汁，超juicy！
🍲 豬五花泡菜湯 食咗咁多燒肉，飲返啖熱辣辣嘅泡菜湯就最啱。個湯好足料，入面有好多豬五花同豆腐，酸酸辣辣咁非常開胃，可以清一清味蕾，又可以解膩，完美嘅結尾！
總結： 總括嚟講，呢個二人餐真係物超所值！食物種類多，份量足夠兩個男仔食到捧住個肚走，而且每樣嘢食嘅質素都好唔錯。埋單連加一都只係$548，喺尖沙咀呢個地段，呢個價錢食到咁嘅質素真係無得輸！👍 如果你都係韓燒愛好者，又想搵間CP值高嘅餐廳，真心推薦大家嚟試吓「西塔老太太」
1
