炑

Open Now

Now Closed

近香港越開越多壽喜燒店，試過好幾間質素都比較參差，之前嚟過呢間試過割烹料理，食物水準同服務都好有水準一直回味，依家餐廳再請了師傅主理壽喜燒，即刻book枱嚟試第二次依然被餐廳木系環境吸引住，氛圍非常日系、休閒放鬆，師傅同店員都非常專業介紹菜單和食材，亦有細心問有冇食物敏感🔸師傅準備食材時先上appetizer，特別中意汁煮白梅貝，好入味爽口，少少酸酸甜甜非常開胃小菜🔸日式蒸物係魚子茶碗蒸，魚子份量完全不吝嗇鋪滿茶碗蒸，魚子的鮮甜味和日式蒸蛋配搭得宜壽喜燒用關東煮法，食起上嚟味道剛剛好冇咁膩，師傅亦都有主動溝通問我地味道需唔需要調整🔸美國肉眼🔸西班牙黑豚肉🔸北海道櫻姫雞肉師傅喺我哋面前前即場製作，火候和味道都控制得恰到好處豚肉食落超級爽口，冇一般食豚肉的羶味，師傅介紹原來之前已經試了好多款豚肉，呢一款係比較味道最突出而唔會太膩每款拌飯一流，用北海道米飯會比較香口，好彩可以無限添飯😆葛絲煮得好入味，微微帶甜，口感煙韌，一定要趁熱食師傅每一道菜都有介紹食材同埋食法，亦都同食客交流，分享咗很多日本不同地方對壽喜燒的食法，好親民👍🏻