Video
Read full review
2017-12-31
316 views
早收工同男朋友去尖沙咀拍拍拖，原來佢已做左research,仲book左枱食飯，平時海防道好多人，估唔到泰斗環境咁好，搭lift上到去，一開門已經見到一個大露台。望出去同平日見到海防道人多物雜既環境完全不同，上到去已覺得環境好浪漫，好似去左渡假咁，完全唔似尖沙咀。鍾意睇波既，仲有個大電視銀幕，可以飲住啤酒睇住波食飯都好唔錯，男朋友鍾意到不得了。餐廳店內都有室內座位的。上到去餐廳6點多，店員叫我地如果飲酒可以先點飲品，因為仲有happy hour,仲可以買一送一添，不過我地第二日仲要返早，所以都係乖乖飲cocktail，下次放假就要早少少上去嘆吓哪。我選了 Cinderella,男朋友選了Fruit Punch,兩杯都好好味，唔太甜，好能夠開胃，賣相都十分吸引。先點了個小食，蝦肉黃金卷。鍾意佢個蝦肉好足料，咬落好彈牙，配埋脆脆既春卷皮，真係好開胃。食泰菜又點可以少得棷菜苗呢？菜苗超嫩口，入口爽脆。男朋友鍾意食蟹，所以我地點了一個辣椒膏炒蟹，上枱隻肉蟹超大隻。辣椒味道好香，唔會好辣，但就好野味，唔想浪費D汁，於是就多點了一個薄餅點汁配埋食。店員仲要好好，遞上食蟹工具同手套，可以即刻開餐。淨
原來佢已做左research,
仲book左枱食飯，
平時海防道好多人，
估唔到泰斗環境咁好，
搭lift上到去，
一開門已經見到一個大露台。
望出去同平日見到海防道人多物雜既環境完全不同，
上到去已覺得環境好浪漫，
好似去左渡假咁，
完全唔似尖沙咀。
鍾意睇波既，
仲有個大電視銀幕，
可以飲住啤酒睇住波食飯都好唔錯，
男朋友鍾意到不得了。
餐廳店內都有室內座位的。
上到去餐廳6點多，
店員叫我地如果飲酒可以先點飲品，
因為仲有happy hour,
仲可以買一送一添，
不過我地第二日仲要返早，
所以都係乖乖飲cocktail，
下次放假就要早少少上去嘆吓哪。
我選了 Cinderella,
男朋友選了Fruit Punch,
兩杯都好好味，
唔太甜，好能夠開胃，
賣相都十分吸引。
先點了個小食，
蝦肉黃金卷。
鍾意佢個蝦肉好足料，
咬落好彈牙，
配埋脆脆既春卷皮，
真係好開胃。
食泰菜又點可以少得棷菜苗呢？
菜苗超嫩口，
入口爽脆。
男朋友鍾意食蟹，
所以我地點了一個辣椒膏炒蟹，
上枱隻肉蟹超大隻。
辣椒味道好香，
唔會好辣，
但就好野味，
唔想浪費D汁，
於是就多點了一個薄餅點汁配埋食。
店員仲要好好，
遞上食蟹工具同手套，
可以即刻開餐。
淨係蟹鉗都已經咁大隻，
而家買隻肉蟹都唔平，
味道鮮甜，
肉又好厚，
配埋辣椒膏汁真係食極都唔夠。
我地仲點了半隻泰式海南雞，
上枱都好大隻。
雞肉好滑，
完全無韌麻麻既肉質，
仲要有埋好味既泰式酸辣醬，
十分吸引。
一個完美的晚餐又點可以少得甜品呢？
我地選了士多啤梨同朱古力自選雪糕球，
送上枱勁開心，
因為雪糕係心型既，
超有特色。
兩個雪糕我比較鍾意朱古力味雪糕，
味道好香濃，
但唔會好甜。
最後哩個晚餐超好享受，
無論從視覺，環境，食品，飲品，服務都真係無得彈。
埋單一千多，
喺尖沙咀搵間有D質素既餐廳價錢都差不多哪，
還要有個浪漫既環境，
會再幫襯。
Post
