嵐橋丼飯專門店 (Closed)

今晚嚟到嵐橋丼飯專門店，朋友之前嚟食過魚生丼，話勁新鮮叫我一定要試試，所以今次決定嚟享受一下靚魚生丼。打開餐廳見到非常多選擇，就決意食一個三文魚親子丼，而朋友就叫了特選鐵火丼。嘩~魚生真係好肥美同新鮮，單睇賣相已經不得了，夾起魚生滑到差點跣落地。入口更不得了，魚油嘅甘香，充滿在口裡，鮮甜美味，再加上粒粒圓潤的日本珍珠米，魚生嘅鮮甜甘香再加米香，簡直係給味蕾最好享受。另外再叫了關東煮有芋絲及竹輪，味道都好清甜可口。 串揚叫了洋蔥及冬菇，不算太油膩，味道也算合格。價錢方面，平均每人2百幾蚊，質素也算不錯，CP值都合格，唔怪得朋友推介我嚟啦。