BaliTown (Closed)

位於尖沙咀山林道嘅峇里堂一直都係人氣的印尼餐廳之選，主要打正宗印尼口味。餐廳的食材同用料一向出色，無論係串燒小食，印尼炒飯，定係甜品，樣樣都有水準。值得一讚嘅係主菜份量不少，同朋友聚會都唔怕食唔飽，價錢方面亦算親民。設有自助水吧，怕辣的人食到辣野都可以即時撲火。

5

峇里堂參峇醬炒海鮮
推薦少辣，自家製的參峇醬非常惹味，配料分別有蝦，青口，貝類及印尼魚蛋等。醬汁層次非常豐富，由茄膏，蝦醬，咖喱醬等多種配料制成，連唔食飯嘅朋友都忍唔住要撈飯。

印尼沙爹串燒（6串起）
今次分別叫左沙爹莉莉（魚+蝦餅），羊肉，雞肉。沙嗲醬汁有濃厚嘅花生醬同沙嗲味，甜中帶辣，味道一流！

印尼特色炒飯
食印尼菜又點可以唔食Nasi Goreng呢！嚟到峇里堂嘅一定要點印尼炒飯，份量大而且價錢親民，配邊樣菜式都咁夾！

峇里唐街頭珍多冰冰
珍多冰味道其實都大同少異，呢個珍多冰冰嘅份量真係唔細，推薦二人分享。

11

63