鮨一 (厚福街)

Open Now

Now Closed

自己一直都好鍾意食壽司，無意間見到鮨一嘅海膽飯，個份量睇見都嘩咗一聲，望一望個價錢又唔係好貴，於是即刻約朋友去食。食完覺得冇失望，可以話係同預料之中嘅味道一樣，但係呢個價錢呢個份量絕對係性價比極高。‣ 白子刺身 $148魚卵平時就食得多，白子其實就係魚嘅精巢，據聞營養豐富，女仔食嘅話會滋陰養顏。白子對於我嚟講就係另類嘅海膽，雖然食落去都仲係有淡淡嘅腥味，搭配酸汁個感覺就冇咁明顯，但係我覺得已經處理得好出色，入口即溶。‣ 雜錦天婦羅 $98佢嘅天婦羅食落口唔會好油膩，蝦咬落去都啖啖肉，炸粉唔會話太厚，食落去感覺啱啱好。而我覺得佢最吸引嘅就係擺盤，後面嘅炸扇令天婦羅好打卡able，麵條炸完之後個感覺就好似藝術品咁樣。‣ 千層海膽飯 $298雖然鮨一嘅海膽唔係最好食，但我覺得份量最足、最對得住個價錢嘅就係鮨一。海膽已經算好新鮮好甜，唔會有腥味，再加上吞拿魚蓉，令到成份海膽飯唔會太過單調。而我最鍾意嘅就係鮨一嘅赤醋飯，同平時嘅醋飯食落去真係唔同。我覺得係更加香，畢竟紅醋味道醇厚甘甜，令刺身飯食落去更加有層次。