Video
Read full review
2018-12-08
208 views
今次去試一間期待已久嘅意粉餐廳，皆因聽試過嘅朋友講都話好好食，既然佢係尖沙咀開咗分店，冇理由咁近都唔去試吓㗎！今次就去試吓佢個set lunch，$148有前菜有pasta有甜品，聽落都幾吸引，不過都要試過先知。頭盤前先黎食包包食飽，麵包都幾鬆軟，加埋油醋夠晒開胃。頭盤就揀咗牛肉他他同埋凍肉拼盤，個他他用咗澳洲牛肉，溝埋蘑菇、蘿蔔同埋雪利酒醋，感覺都幾高檔架！連個凍肉拼盤都有D Parmesan俾你食，感覺上佢都幾揼本。主菜就揀咗松露Tagliolini，同埋Ravioli。個意大利細扁麵中用咗新鮮松露同埋松露醬，但係食落又比想像中淡味，好似冇乜落鹽咁，雖然麵夠彈牙，不過感覺唔係咁好。反而個Ravioli就正正常常，茄汁底夠味，不過不失啦！最後甜品揀咗嗰Tiramisu，用玻璃杯上，我都對佢有些少期望，不過食落始終唔係好夠酒味，硬係爭咁啲。下次試吓夜晚嚟，就可以再試多啲手製pasta啦！
今次去試一間期待已久嘅意粉餐廳，皆因聽試過嘅朋友講都話好好食，既然佢係尖沙咀開咗分店，冇理由咁近都唔去試吓㗎！今次就去試吓佢個set lunch，$148有前菜有pasta有甜品，聽落都幾吸引，不過都要試過先知。
頭盤前先黎食包包食飽，麵包都幾鬆軟，加埋油醋夠晒開胃。頭盤就揀咗牛肉他他同埋凍肉拼盤，個他他用咗澳洲牛肉，溝埋蘑菇、蘿蔔同埋雪利酒醋，感覺都幾高檔架！連個凍肉拼盤都有D Parmesan俾你食，感覺上佢都幾揼本。
主菜就揀咗松露Tagliolini，同埋Ravioli。個意大利細扁麵中用咗新鮮松露同埋松露醬，但係食落又比想像中淡味，好似冇乜落鹽咁，雖然麵夠彈牙，不過感覺唔係咁好。反而個Ravioli就正正常常，茄汁底夠味，不過不失啦！
最後甜品揀咗嗰Tiramisu，用玻璃杯上，我都對佢有些少期望，不過食落始終唔係好夠酒味，硬係爭咁啲。下次試吓夜晚嚟，就可以再試多啲手製pasta啦！
Post
