手拉麵小廚

Open Now

Now Closed

由於我地4個已經食過正餐同小食，喺飽嘅情況底下，唔能再食太多，所以決定外賣兩款人氣小食，之後到附近公園開餐。透過門口玻璃窗可以見到師傅包緊小籠包，加上即叫即蒸，夠哂新鮮!! 🤤小籠包 一份有5粒，等左大概十分鐘。小籠包大大隻，而且包皮好薄，透出內餡湯汁😏。湯汁鮮甜，但唔會油膩，必食🤤。豆沙鍋餅即叫即炸，非常辣口!! 外層炸到脆卜卜，偏甜嘅豆沙餡爆哂出嚟，非常誘人!!整體兩款小食質素幾高，由餐廳到公園只隔2分鐘，所以外賣同堂食質素應該唔會差好遠。小籠包、豆沙鍋餅連外賣盒，一共$100。我認為係掃街必食之一。